Maıamı týrnıri: Elena Rybakınanyń fınaldaǵy qarsylasy anyqtaldy

<p>MAIAMI. KAZINFORM &mdash; Qazaqstannyń birinshi, álemniń 4-raketkasy Elena Rybakınanyń Maıamı WTA 1000 týrnıriniń fınalyndaǵy qarsylasy anyqtaldy.</p>

Qazaqstandyq tennısshi sońǵy básekede álemniń 53-raketkasy, amerıkalyq Danıel Kollınzben synǵa túsedi.

D.Kollınz jartylaı fınalda álemniń 16-raketkasy, reseılik Ekaterına Aleksandrovany joldan taıdyrdy – 6:3, 6:2. Kollınz 1 saǵat 15 mınýtqa sozylǵan báseke barysynda 12 breık-poınttyń tórteýin paıdalanyp, 4 eıs jasady. Aleksandrova 1 eıs, 1 breıkten (4 breık-poınt) asa almady.

Osylaısha, 30 naýryz kúni E.Rybakına D.Kollınzben kortqa shyǵady. Bul olardyń ózara besinshi kezdesýi bolmaq. Ázirge esep – 3:1, Elena alda. 

Elena Rybakına reseılik Marııa Sharapovadan keıin Maıamı jarysynda ekinshi jyl qatarynan fınalǵa shyqqan eń jas oıynshy atandy. 

M.Sharapova 2005 jáne 2006 jyldary 18 jasynda eki ret fınalǵa shyqqan edi. 
E.Rybakına mundaı nátıjege 24 jasynda qol jetkizip otyr.

Eske sala keteıik, budan buryn Elena Rybakınanyń Maıamı ekinshi jyl qatarynan Maıamı týrnıriniń fınalyna shyqqanyn jazǵan bolatynbyz.