Maýsymnyń aıaǵyna deıin barlyq jobalar boıynsha memlekettik qabyldaý komıssııasy ótpek - Indýstrııa jáne jańa tehnologııalar vıtse-mınıstri Albert Raý

A Maýsymnyń 22-si. QazAqparat /Arman Asqarov/ - Osy ýaqytqa deıin josparda turǵan 72 ındýstrııalyq-ınnovatsııalyq jobalardyń 30-y boıynsha memlekettik qabyldaý komıssııasy ótti. Sondyqtan bul jobalar iske qosyldy dep aıtýǵa bolady.

Búgin Úkimettiń kezekti otyrysynda Indýstrııa jáne jańa tehnologııalar vıtse-mınıstri Albert Raý osylaı aıtty.

Onyń sózine qaraǵanda, memlekettik qabyldaý komıssııasynan ótken jobalardyń ishinde allıýmınıı jáne metalloprokat zaýyttary bar. «Endi maýsymnyń aıaǵyna deıin barlyq 72 joba boıynsha memlekettik qabyldaý komıssııasyn ótkizý josparlanyp otyr», dedi A. Raý.

Vıtse-mınıstr atap kórsetkendeı, bıylǵy jartyjyldyqta jalpy quny 340 mlrd. teńgeni quraıtyn 72 jobany iske qosý josparlanǵan. Osynyń arqasynda 10 myńnan astam turaqty jumys oryndaryn qurý kózdelgen. Búgingi tańda atalǵan jobalar boıynsha qarjyny ıgerý kólemi 97 paıyzdy qurap otyr.