Maýsymnan beri teńge baǵamy syrtqy negizgi kórsetkishterge táýeldi emes - sarapshy

NUR-SULTAN. QazAqparat – Qarjy sarapshysy Andreı Chebotarev teńge baǵamyna qatysty pikir bildirdi, dep habarlaıdy QazAqparat tilshisi.

«Maýsymnan beri teńge baǵamyna syrtqy negizgi kórsetkishter áser etip jatqan joq. Teńge baǵamy resmı túrde 4 negizgi faktorǵa – munaı baǵasyna, reseılik rýbl baǵamyna, ishki faktorlarǵa jáne dollar ındeksine baılanysty qalyptasady», - dedi Andreı Chebotarev agenttik tilshisine bergen suhbatynda.

Onyń atap ótýinshe, osy jyldyń maýsymynda teńge baǵamy atalǵan faktorlardyń barlyǵynan táýelsiz qalyptasa bastady.

«Maýsymda ol búkil faktorlardan ajyrady. Teńge tipti munaı baǵasy qymbat bolǵan kezde de, rýbl nyǵaıǵanda da jáne uzaq ýaqyttan beri alǵash ret aǵymdaǵy tólem esepshotynda profıtsıt bolǵanda da álsiredi. ıAǵnı, munaı baǵasynyń arqasynda uzaq ýaqyttan beri alǵash ret satyp alǵannan góri eksportqa taýardy kóp shyǵardyq, onyń quny - 2,2 mlrd AQSh dollary boldy. Saýda balansy esebinen profıtsıt qalyptasty», - dep túsindiredi sarapshy.

Andreı Chebotarevtiń aıtýynsha, qazirgi ýaqytta munaı baǵasynyń quldyraýyna qaramastan teńge qunsyzdanǵan joq.

«Qazir munaı baǵasy 106 dollardan 92-93 dollarǵa deıin quldyraǵanyna qaramastan teńge álsiregen joq. Menińshe, bul ádeıi jasalyp otyr. Ulttyq bankte mundaı tájirıbe buǵan deıin de bolǵan. Biz «álsiz» teńge saıasatyn qoldanamyz. Bul teńge baǵamy boljamdy bolýy úshin ádeıi jasalady», - dedi Andreı Chebotarev.