Maýsymdyq tumaý men koronavırýsty qalaı ajyratamyz

ALMATY. QazAqparat - Kúzgi tumaý maýsymy epıdemıologııalyq ahýalǵa keri yqpalyn tıgizýi múmkin. Osy ınfektsııalyq aýrýlardy koronavırýstan qalaı ajyratýǵa bolatynyn Qoǵamdyq densaýlyq saqtaý basqarmanyń shtattan tys bas ınfektsıonısti Tamara Utaǵanova aıtty, dep habarlaıdy QazAqparat tilshisi.

«Bárimizge belgili kúz aılary túsýimen kóptegen sozylmaly aýrýlardyń órshýibolady. JRVI, tumaý aýrýynan jazdan keıingi álsizdikten keıin aýyryp qalýymyz múmkin. Adamdardyń sozylmaly aýrýlary qozýy yqtımal. Osy ýaqytta adamdar ınfektsııalyq aýrýlarǵa urymtal keledi. Onyń ishinde koronavırýstyq ınfektsııa da bar. Eger, basqa JRVI aýyryp aǵzany álsiretetin bolsaq, KVI tolqynyna da álsiz kiremiz. Osyǵan baılanysty qazirgi kezde Juqpaly aýrýlar aýrýhanasynyń eksperttik tobymen, áriptesterimizben úlken masshtabty jumys atqarylyp jatyr. JRVI, tumaý maýsymyna daıyndyq júrgizileýde. KVI qosylǵan jaǵdaıda qalaı áreket etýdiń algorıtmi jasalǵan», - dedi «I.Jekenova atyndaǵy qalalyq klınıkalyq juqpaly aýrýlar aýrýhanasy» MKK Tamara Utaǵanova.

Onyń aıtýynsha, juqpaly aýrýlardan saqtanýdyń birden-bir tıimdi tásili vaktsınatsııa bolyp tabylady.

«Qaýip tobynda turǵan adamdar 65 jastan asqan kisiler, júkti áıelder, jıi aýyratyn balalar, júrek, ókpe, búırek sozylmaly aýrýlarymen esepte turǵan adamdar, medıtsınalyq qyzmetkerler tumaýǵa qarsy jylda ekpe alady. Tumaýǵa qarsy ekpe jyl saıyn osy ýaqytta josparlanatyn. Bıyl KVI boljamyn eskere otyryp, ýaqtyly ózekti bastalyp otyr. Ekpe tumaýdan saqtaı otyryp, KVI údeýine, qarqyndy taralýyna keri yqpalyn tıgizetini belgili», - dedi maman.

Onyń aıtýynsha, tumaý maýsymy bıyl 40 aptadan bastap keler jyldyń 20 aptasyna deıin jalǵasady. ıAǵnı, 1 qazan men 31 naýryzǵa deıingi aralyq tumaý maýsymy sanalady.

«Jylda qalanyń ınfektsııalyq qyzmeti osy ýaqyt aralyǵyna daıyndalady. Bıylǵy daıyndyq ýaqytynda bastaldy. Álbette, qaladaǵy ınfektsıonıst mamandar KVI men tumaýdy ajyrata biledi. Tumaý men JRVI klınıkalyq belgileri burynnan belgili. Mamandar dıfferentsıaldy dıaognostıka jasaı alady. Tumaý belgileri - dene qyzýy, murynnan sý aǵýy, tamaq qyshýy, aıaq qoldyń syrqyraýy, jótel. Qabaq isip, kóz qyzarady. Sımptomdar jedel bastalǵandyqtan birden seziledi. Osyndaı belgiler paıda bolǵanda, turǵyndarǵa ýchaskelik dárigerge habarlasýyn suraımyz», - dedi ol.