Maýsymda Parıj qalasynda Eýropa qazaqtarynyń quryltaıy ótedi

NUR-SULTAN. QazAqparat - 4-5 maýsymda Frantsııanyń Parıj qalasynda Eýropa qazaqtarynyń kezdesý-quryltaıy ótedi, dep habarlaıdy QazAqparat.

Quryltaı Eýropa qurylyǵyndaǵy baýyrlarmen bas qosý, ortaq máseleler boıynsha pikir almasý, oı bólisý, keleli keńes qurý maqsatynda uıymdastyrylyp otyr.

Atalmysh basqosý aıasynda mynadaı is-sharalar josparlanǵan:

- Eýropa elderi (Frantsııa, Germanııa, Shvetsııa, Túrkııa, Gollandııa, Norvegııa, Ulybrıtanııa, Avstrııa) men qazaqstandyq komandalar arasynda fýtbol týrnıri;

- Qoldanbaly óner buıymdarynyń kórmesi jáne ulttyq kıim tigýden sheberlik saǵaty;

- Dástúrli oıyndar saıysy;

- Ábdiýaqap Qaranyń Mustafa Shoqaıdyń frantsýz tilindegi tańdaýly maqalalary kitabynyń tusaýkeseri;

- Shetelde turatyn óner sheberleriniń kontserti ótedi.

Sonymen qatar Eýropa elderindegi qazaq mádenı birlestikteriniń jetekshilerimen kezdesý uıymdastyrylady.

Jıyn barysynda Eýropa qazaqtary birlestigi jańa basshylyǵyn jáne aldaǵy jumys josparyn belgileıdi.

Kezdesýge Qazaqstan Respýblıkasynyń Frantsýz Respýblıkasyndaǵy jáne Monako Knıazdigindegi Tótenshe jáne Ókiletti Elshisi Jan Galıev, Frantsııadaǵy qazaq ulttyq mádenı qoǵamy tóraǵasy Názir Esimhan, Eýropa elderindegi qazaq qaýymdastyqtarynyń jetekshileri, «Otandastar qory» prezıdenti Abzal Saparbekuly men Eýropa qazaqtary qatysady.