Maýsymda Qazaqstanǵa 29 mln-nan astam kıbershabýyl jasaldy

ASTANA. QazAqparat – «Memlekettik tehnıkalyq qyzmet» AQ osy jyldyń maýsymynda Internetke qol jetkizýdiń biryńǵaı shlıýzi jabdyǵyn paıdalanylyp, 29 mln-nan astam kıbershabýyldy buǵattady, dep habarlaıdy QazAqparat tilshisi.

Atalǵan qyzmet aqparattyq qaýipsizdik ıntsıdentteriniń, ásirese, ZBQ (aldyńǵy eseptik kezeńmen salystyrǵanda 41,45%-ǵa) jáne botnet (aldyńǵy eseptik kezeńmen salystyrǵanda 46,81%-ǵa) túrindegi ıntsıdentter sany azaıǵanyn atap ótedi. Mozi.Botnet, njRAT.Botnet jáne Lethic.Botnet – esepti kezeńde botnettiń eń keńinen taralǵan túrlerine aınaldy.

Internettiń qazaqstandyq segmentin aqparattyq qaýipsizdik qaterleri men ıntsıdentteri turǵysynan monıtorıngteý barysynda derekterdiń jarııa etilýi men olarǵa qol jetkizý táýekelderin týdyratyn birneshe osal tus anyqtaldy.

Máselen, anyqtalǵan CWE-521: Weak Password Requirements osaldyǵy serverdiń senimsiz parolin paıdalanady. Bul zııankesterdiń eseptik derekterdi jarııa etýin ońaılatady.

Al CWE-200: Exposure of Sensitive Information to an Unauthorized Actor osaldyǵy konfıdentsıaldy aqparatqa ruqsatsyz qol jetkizýdiń yqtımal táýkelderine ákelip soǵady. Joıý úshin veb-qosymshalar týraly aqparattyń ashylýyna ákeletini sebepti, óndiristik ortada retke keltirý rejımin ajyratý qajet.

Múmkin bolatyn aqparattyq qaýipsizdik táýekelderi men qaterlerine jol bermeý maqsatynda Memlekettik tehnıkalyq qyzmet usynymdar ázirlep, osal tusy anyqtalǵan IR jáne IP-mekenjaıynyń ıelerin/ıelenýshilerin elektrondyq poshta arqyly habarlandyrý jónindegi is-sharalardy júrgizdi.