Maýsym aıynda Ulttyq banktiń jalpy halyqaralyq rezervi tómendedi
18:08, 28 Shilde 2022
NUR-SULTAN. QazAqparat – Bıyl maýsym aıynda eldiń jalpy halyqaralyq rezervteri 83,9 mlrd AQSh dollaryn qurady. Bul týraly QR Ulttyq bankinen málimdedi, dep habarlaıdy QazAqparat tilshisi.
«Aldyn ala derekter boıynsha, 2022 jylǵy maýsymda Ulttyq banktiń jalpy halyqaralyq rezervteri 2,3 paıyzǵa tómendep, 32 mlrd AQSh dollaryn qurady. Altyn-valıýta rezervteri Ulttyq banktegi valıýtalyq shottardan klıenttik qarajattyń shyǵarylýy, sondaı-aq altyn baǵasynyń tómendeý esebinen azaıdy», - delingen Ulttyq bank málimetinde.
2022 jylǵy maýsymnyń sońynda Ulttyq qordyń shetel valıýtasyndaǵy aktıvterin (51,9 mlrd AQSh dollary) qosa alǵanda, eldiń jalpy halyqaralyq rezervteri 83,9 mlrd AQSh dollaryn qurady.
Budan buryn habarlanǵandaı, bıyl maýsym aıynda Qazaqstanda AQSh dollaryn satyp alý qarqyny báseńdedi.