Maýsym aıynda Qazaqstanda baspana baǵasy arzandady
Ulttyq statıstıka bıýrosynyń málimetinshe, maýsym aıynda jalpy respýblıka boıynsha turǵyn úı quny 0,5%-ǵa 486,9 myń teńgege deıin tómendegen.
Qaıtalama úı naryǵy bıylǵy aqpan aıynan beri qymbattaǵan joq. Qazir respýblıka boıynsha ortasha sharshy metr jyl basyndaǵydan 2%-ǵa arzan.
Ótken jylmen salystyrǵanda 1,9%-ǵa qymbat, bul qazirgi ınflıatsııa qarqyny aıasynda jaqsy kórsetkish.
Atap aıtqanda, maýsym aıynda 6 iri qalada (Kókshetaý – 4,2%, Aqtaý – 2,5%, Almaty – 1,2%, Óskemen, Qaraǵandy jáne Qostanaı – 0,4%) ekinshi naryqtaǵy baspana baǵasy tómendedi.
Resmı statıstıka Taldyqorǵanda ǵana 1,1% baǵa óskenin tirkegen. Barlyq basqa qalalarda maýsym aıynda qaıtalama turǵyn úı baǵasy ózgergen joq.
Jańadan salynyp jatqan qurylys nysandary 0,2%-ǵa ǵana (jyl basynan bastap 1,7%) qymbattaǵan.
Ósim 4 qalada baıqalady: Semeı – 2,8%, Shymkent – 2,1%, Taldyqorǵan –1,4%, Aqtaý – 0,5%.
Kókshetaýda jańa turǵyn úıdiń 1 sharshy metriniń quny 3,1%-ǵa tómendedi. Basqa qalalarda ózgergen joq.
Respýblıka boıynsha bir sharshy metr alań orta eseppen 486,9 myń teńgege saýdalanýda.
Al baspana jaldaý quny maýsym aıynda 0,5%-ǵa arzandady. Turǵyn úıdiń bir sharshy metrin jalǵa alý orta eseppen 4 633 teńge turady.
Sonymen birge, jańa turǵyn úı Almatyǵa qaraǵanda Astanada qymbatyraq (587,4 myń tg jáne 549,4 myń tg).
Qaıtalama naryq kerisinshe, elordada qoljetimdirek (601,7 myń tg jáne 614,2 myń tg).
Respýblıkadaǵy 20 iri qalanyń 14-inde jańa páterler eski páterden arzanǵa túsedi.
Maýsym aıyndaǵy arzandaýdan keıin Kókshetaý Qazaqstannyń eń arzan qalalarynyń birine aınaldy. Mundaǵy qaıtalama naryqtaǵy sharshy metr alań quny – 296,7 myń teńge.
Qaıtalama turǵyn úıdiń ótelýi (satyp alý qunynyń jaldaý qunyna qatynasy) Qazaqstan boıynsha ortasha eseppen 109 aıdy quraıdy, bul 9 jyldan sál asady.
Semeı (184 aı nemese 15,3 jyl) jáne Taldyqorǵan (178 aı nemese 14,9 jyl) qalalarynda eń «uzaq» kórsetkishter tirkeldi.
Almatyda bul kórsetkish 114 aıdy (9,5 jyl), Astanada – 135 aıdy (11,3 jyl) quraıdy.