Máýlen Áshimbaev Úkimet jumysynyń tıimdiligine qatysty pikir aıtty

<p>ASTANA. KAZINFORM &ndash; Senat tóraǵasy Máýlen Áshimbaev Úkimet jumysynyń tıimdiligine qatysty pikir bildirdi.</p>

«Jalpy, Úkimet qarqyndy jumys istep jatyr. Alǵa qoıylǵan maqsattardy oryndap keledi. Árıne, kemshilikter de bolýy múmkin. Ol jaıynda buqaralyq aqparat quraldarynda jazyp júrsizder», - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.

Onyń paıymynsha, qazir Úkimet Memleket basshysy, Parlament bastamashylyq etken keshendi reformalardy júzege asyrý úshin qajet qadamdar jasap jatyr.

«Mınıstrler men oryndalyp jatqan baǵyttarǵa qatysty naqty aspektiler, oǵan beriletin baǵa 7 aqpanda Úkimettiń keńeıtilgen otyrysynda aıtylady dep oılamyn», - dedi Senat tóraǵasy.

Budan buryn habarlanǵandaı, 7 aqpan kúni Úkimettiń keńeıtilgen otyrysy ótedi.