Máýlen Áshimbaev: Sý tasqyny kezinde halyq pen armııanyń myzǵymas tutastyǵyn kórsete bildik

<p><strong>ASTANA. KAZINFORM — Senat tóraǵasy Máýlen Áshimbaev Otan qorǵaýshy kúnine oraı <a href="https://www.facebook.com/share/p/PEoifYBwC78U2wdu/" target="_blank" rel="noopener">Facebook</a> paraqshasynda quttyqtaý joldady.  </strong></p>

«Barshańyzdy Otan qorǵaýshy kúnimen shyn júrekten quttyqtaımyn! Bul kúni eldiń beıbit ómiri men tynyshtyǵyn qas qaqpaı kúzetip turǵan áskerı qyzmetshiler men osy jolda eseli eńbek etken ardagerlerge aıryqsha qurmet kórsetemiz. Búgin Otandy súıý, ultqa qyzmet etý, antqa adal bolý sııaqty qundylyqtar da keńinen dáripteledi. Sondyqtan eldiktiń irgesin bekemdeýde bul merekeniń mańyzy zor» dep atap ótedi Senat spıkeri. 

Onyń aıtýynsha, shyn máninde Otandy qorǵaý — barshamyzǵa ortaq qasterli paryz. 

Bıyl alapat tasqynmen kúres kezinde halqymyz osy mártebeli mindettiń ozyq úlgisin kórsete bildi.

Jergilikti turǵyndar arnaıy mamandarmen jáne sarbazdarmen birge bóget salý isine úlken úles qosty.

Bul beıbit kúnde jasalǵan eren erliktiń jarqyn kórinisi ekeni anyq.

«Memleket basshysy Qasym-Jomart Kemeluly Toqaev atap ótkendeı, halyq pen armııanyń myzǵymas tutastyǵy degenimiz — osy. Aldaǵy ýaqytta da elimiz eńseli bolyp, áskerimizdiń áleýeti arta bersin! Aıtýly merekede ár shańyraqqa shattyq, azamattarymyzǵa amandyq tileımin! Árqashan aspanymyz ashyq, elimiz tynysh bolsyn!» dep túıindedi Máýlen Áshimbaev.