Senat bıýrosynyń otyrysynda palata otyrysynyń kún tártibi bekitildi

<p>ASTANA. KAZINFORM - Senat Spıkeri Máýlen Áshimbaev Palata Bıýrosynyń otyrysyn ótkizdi. Onda depýtattar osy aptadaǵy is-sharalardy talqylady jáne 22 aqpan kúni ótetin Senat otyrysynyń kún tártibin bekitti.</p>

Erteń, ıaǵnı 20 aqpan kúni Senatta Memleket basshysynyń «Ádiletti Qazaqstannyń ekonomıkalyq baǵdary» atty 2023 jylǵy 1 qyrkúıektegi Joldaýyn iske asyrý aıasynda «Demografııalyq ósý – ulttyń strategııalyq artyqshylyǵynyń negizi» taqyrybyna arnalǵan Úkimet saǵaty ótedi.

Depýtattar mınıstrlikterdiń, jergilikti atqarýshy organdardyń jáne múddeli taraptardyń ókilderimen birlesip, demografııalyq jaǵdaıdy jaqsartýdyń, kóshi-qon salasyndaǵy zańnamany jetildirýdiń ózekti máselelerin talqylaıdy.

Úkimet saǵatyna daıyndyq aıasynda senatorlar Soltústik Qazaqstan oblysyna, birqatar memlekettik uıymdarǵa baryp, Memleket basshysy Qasym-Jomart Toqaevtyń demografııalyq jaǵdaıdy jaqsartý jónindegi tapsyrmalarynyń iske asyrylý barysymen tanysqanyn atap ótken jón.

Aldaǵy Palata otyrysynda senatorlar «Qazaqstan Respýblıkasynyń keıbir zańnamalyq aktilerine bıznes júrgizý máseleleri boıynsha ózgerister men tolyqtyrýlar engizý týraly» zańdy qaraıdy. Qujatta bıznes úshin ákimshilik júktemeni azaıtýǵa jáne kásipkerlik qyzmet jaǵdaılaryn jaqsartýǵa arnalǵan normalar qarastyrylǵan.

Іskerlik belsendiliktiń damýyna serpin berý maqsatymen 12 Kodeks pen 102 zańǵa tıisti ózgerister men tolyqtyrýlar engizý kózdelip otyr.

Odan bólek, Bıýro otyrysynda Májilisten kelip túsken zańdar Senattyń turaqty komıtetterine bólinip berildi.