Máýlen Áshimbaev: Referendým – Qazaqstannyń demokratııalyq damýyndaǵy mańyzdy qadam

<p>ASTANA. KAZINFORM &ndash; Senat tóraǵasy Máýlen Áshimbaev AES salýǵa qatysty referendýmda elordadaǵy №164 ýchaskede daýys berdi.</p>

«Búgin óte mańyzdy kún, tarıhı kún dep aıtsaq ta artyq bolmaıtyn shyǵar. Referendým – Qazaqstannyń demokratııalyq damýyndaǵy mańyzdy qadam. Búgin biz Prezıdenttiń «halyq únine qulaq asatyn memleket» tujyrymdamasynyń júzege asyrylyp jatqanyn kórip otyrmyz. Memleket basshysy Qasym-Jomart Toqaev eldiń bolashaǵyna qatysty máselelerde», - dedi Máýlen Áshimbaev daýys bergen soń BAQ ókilderiniń saýalyna jaýap bere turyp. 

Senat spıkeriniń aıtýynsha referendým elimizde jańa saıası mádenıetti qalyptastyrýǵa arnalǵan is-shara.

«Osyndaı mańyzdy is-sharalarda halyqtyń pikirin estip, eskerip memlekettik organdar sheshimder qabyldaıtyn bolsa, biz barlyq maqsatqa jetemiz. Qazaqstandy damyǵan demokratııalyq memleket retinde qalyptastyramyz. Sol sebepti búgingi referendýmda qazaqstandyqtardyń daýsy mańyzdy. Sóıtip bárimiz Qazaqstandy demokratııaly, ádiletti memleket retinde qalyptastyrýǵa óz úlesimizdi qosamyz», - deıdi ol.