Máýlen Áshimbaev «Qarmettiń» jańa basshylyǵyna qatysty pikir bildirdi

<p>Parlament Senatynyń tóraǵasy Máýlen Áshimbaev &laquo;Qarmettiń&raquo; jańa ıesine qatysty óz pikirin bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Barlyq atqarylatyn is-sharalar Úkimettiń tikeleı baqylaýynda bolady. Memleket basshysy tıisti tapsyrmany júktedi. Sol sebepti depýtattar da osy máseleni baqylaýda ustap, únemi kásiporynǵa baryp, ondaǵy jaǵdaıǵa monıtorıng jasaımyz. Investor ózine alǵan barlyq mindettemeni tolyqtaı oryndaıdy dep senemiz» - dedi M. Áshimbaev Senattyń jalpy otyrysynan keıin tilshiler suraǵyna jaýap bere otyryp.

Osy oraıda Senat tóraǵasy kásiporynǵa qomaqty ınvestıtsııa salynatynyn aıtty.

«Bul máseleniń barlyǵy baqylaýda bolady. Kásiporyn basshylyǵy óndiristi ary qaraı damytyp, alǵa qoıylǵan mindetti oryndap, jumys oryndaryn saqtap, tabysty eńbek etedi dep senemiz», - dedi Máýlen Áshimbaev.

Eske salsaq, jaqynda Memleket basshysy Qasym-Jomart Toqaev «Qarmettiń» jańa ıesine qatań talap qoıylatynyn aıtty.

«Jaqynda meniń tapsyrmammen Qaraǵandy metallýrgııalyq kombınatyn qazaqstandyq kompanııanyń menshigine berý máselesi sátti sheshildi. Jumystyń bastapqy kezeńinde kompanııaǵa kómektesý – Úkimettiń endigi mindeti. Sodan keıin kásiporynnyń jańa ıesine qatań talap qoıylady», - dedi Prezıdent.