Máýlen Áshimbaev: bes jyldyq reformalar óz nátıjesin bere bastady

<p>ASTANA. KAZINFORM &ndash; Senat Tóraǵasy Máýlen Áshimbaev <a href="https://time.kz/fresh/aktualno/2024/07/15/logika-reform" target="_blank" rel="noopener">&laquo;Vremıa&raquo;</a> gazetinde jarııalaǵan maqalasynda Qasym-Jomart Toqaev saılaý tsıkli aıaqtalǵannan keıin birden ekonomıkalyq júıeni reformalaýǵa kiriskenin atap ótti.</p>

Onyń aıtýynsha, bes jyldyq reformalar óz nátıjesin bere bastaǵan. Shıkizattyq emes eksport kólemi 1,5 eseden astam ósken.

«Dál osy kezeńde rekordtyq kólemde tikeleı sheteldik ınvestıtsııa tartylyp, 117 mıllıard AQSh dollaryn qurady. 2019 jyldan bastap qyzmetter eksporty ósti, onyń ishinde kólemi jarty mıllıard AQSh dollarynan asatyn IT-qyzmetteriniń eksporty 20 esege artty. Túbegeıli ózgeristerdiń ýaqyty kelip, burynǵy saıası júıeniń teńgerimsizdiginen týyndaǵan eskirgen áleýmettik-ekonomıkalyq paradıgma kúrdeli jóndeýdi qajet etti. Qasym-Jomart Toqaevtyń 2023 jyldyń qyrkúıeginde jarııalaǵan jańa ekonomıkalyq modeli úsh negizgi qaǵıdatqa negizdelgen: ádildik, ınklıýzıvtilik jáne pragmatızm. Sonymen qatar, pragmatızm burynǵydaı keshiktirilgen marapatty emes, belgili bir ýaqyt sheńberindegi naqty nátıjelerdi - abstraktyly jetistikterdi emes, azamattardyń ómiriniń naqty jaqsarýyn bildiredi», - deıdi Máýlen Áshimbaev.

Máselen, bıyl qańtarda bastalǵan «Ulttyq qor – balalarǵa» baǵdarlamasy qazirdiń ózinde 6,9 mıllıon balany qamtyp otyr. Bir trıllıon teńgeden astam memleket aktıvteri qazynaǵa qaıtarylǵan. Bul qarajat respýblıka boıynsha jańa mektepter salýǵa jumsalyp otyr. 

«Al ekonomıkany jańǵyrtýdyń aýqymdy baǵdarlamasy – óńdeýshi ónerkásipten kreatıvti ındýstrııaǵa deıingi negizgi júıesi ashyqtyq pen básekelestikke, negizgi naryqtardy monopolııasyzdandyrýǵa, resýrstarǵa teń qoljetimdilikke baǵyttalǵan naryqtyq reformalarǵa aınalýda», - dedi Senat Tóraǵasy.