Máýlen Áshimbaev Joldaý týraly: Prezıdent naqty mindetter qoıdy

NUR-SULTAN. QazAqparat - QR Parlamenti Senatynyń tóraǵasy Máýlen Áshimbaev Memleket basshysynyń búgingi Joldaýyna qatysty óz pikirin bildirdi, dep habarlaıdy QazAqparat tilshisi.

«Búgin QR Prezıdenti Qasym-Jomart Toqaev halyqqa joldaýyn jarııalady. Joldaýda óte mańyzdy máseleler kóterildi, ony ózderińiz de estidińizder. Memleket basshysy, ekonomıka, áleýmettik, saıası salalarǵa qatysty aldaǵy basymdyqtardy aıqyndap berdi. Prezıdentimiz ekonomıkalyq ósimdi qalpyna keltirý, halyqtyń ál-aýqatyn arttyrý, quqyq qorǵaý júıesin ári qaraı jańǵyrtý, saıası reformalardy jalǵastyrý máselelerine jan-jaqty toqtalyp Parlament pen Úkimettiń aldyna naqty mindetter qoıdy. Joldaýda aıtylǵan tapsyrmalardy zańnamalyq turǵydan ýaqytyly ári sapaly qamtamasyz etý bizdiń negizgi mindetimiz. Osy baǵytta bárimiz nátıjeli jumys isteýimiz kerek», - dedi M. Áshimbaev Senat otyrysynda.

Aıta keteıik, búgin QR Parlamenti Senatynyń altynshy shaqyrylymy óz jumysyn bastady.