Máýlen Áshimbaev: Jastardyń eldik máselelerge aralasýyna tikeleı múmkindikter berilgen

NUR-SULTAN. QazAqparat – QR Parlamenti Senatynyń Tóraǵasy Máýlen Áshimbaev «Táýelsizdik urpaqtary» atty respýblıkalyq jastar forýmynda erikti jastardyń pandemııamen kúreske qosqan úlesi zor bolǵanyn atady, dep habarlaıdy QazAqparat tilshisi.

«Ózderińizge belgili, 2019 jyl «Jastar jyly» dep jarııalanǵan bolatyn. Sonyń aıasynda óskeleń urpaqty jan-jaqty qoldaý sharalary belsendi túrde júzege asyryldy. Voloterler jyly da jastardyń zor áleýetin ashýǵa yqpalyn tıgizdi. Pandemııaǵa qarsy kúreske 1 mıllıonǵa jýyq erikti jumyldy. Solardyń basym bóligi jastar bolǵany belgili», - dedi Senat spıkeri.

Onyń paıymdaýynsha, Qazaqstanda jastarǵa eldik máselelerge aralasyp, mańyzdy sheshimder qabyldaýǵa tikeleı atsalysatyn mol múmkindikter berilip otyr.

«Memleket basshysynyń bastamasymen Májilis pen máslıhat saılaýy kezinde partııalyq tizimde áıelder men jastarǵa partııalyq tizimde áıelder men jastarǵa mindetti 30 paıyzdyq kvota belgilendi. Osy norma boıynsha sońǵy saılaýda jastardyń zań shyǵarýshy jáne ókildik organdarǵa kóptep kelýine jol ashyldy.

Memleket tarapynan jastar úshin ádiletti áleýmettik lıft qalystaptastyrý qaǵıdasyna da basa da mán berilýde. Osynyń negizinde Prezıdenttik jastar kadrlyq rezervi jasaqtalyp, bilikti jastar irikteldi. Búginde rezervtegi eki júzge jýyq jas azamat jaýapty qyzmetterge taǵaıyndaldy», - dedi Máýlen Áshimbaev.