Máýlen Áshimbaev jastar kadr rezervine qatysýshylardyń bolashaǵy týraly aıtty
«Jalpy alǵanda bári bir sátte taǵaıyndalmaıtynyn eskerý kerek. Jaqyn bolashaqta Prezıdenttik jastar kadr rezervine qatysýshylar memlekettik organdar men Ulttyq kompanııalarda ártúrli pozıtsııada jumys isteıtin bolady. Qatysýshylardyń keıbiri karerasyn jeke sektorda jalǵastyrǵysy kelýi múmkin. Bul - olardyń quqyǵy, ol jaqqa da jaqsy daıyndyqtan ótken mamandar qajet», - deıdi Máýlen Áshimbaev Ortalyq kommýnıkatsııalar qyzmetinde ótken brıfıngte.
Ol jumysqa ornalasý mezanızmi qalaı júzege asatynyn aıtyp ótti.
«Birinshiden, jarııalanǵan tizim men soǵan sáıkes qujattar ákimderge, mınıstrlerge, memlekettik organ basshylaryna jiberiledi. Ár memlekettik organ men mınıstrlikterge jaqsy mamandar tapshy ekeni sózsiz. Olar tizimdi qarap, jas mamandardy ózderine jumysqa shaqyrady. Ekinshiden, Prezıdent Ákimshiligi óz quzireti sheginde qajetti mekemelerge qajetti mamandardy usynatyn bolady. Úshinshiden, QR Prezıdenti Qasym-Jomart Toqaev prezıdenttik jastar kadr rezervi boıynsha óz betinshe sheshim qabyldap, jaýapty memlekettik pozıtsııaǵa taǵaıyndaýy múmkin. Osy baǵyttar boıynsha jumystar kelesi jyldan bastap birneshe jyl qatarynan júzege asady jáne Prezıdent Ákimshiligi tarapynan baqylaýda bolady», - deıdi ol.
Aıta ketý kerek, irikteý jeńimpazdarynyń ortasha jasy - 31-de. Bul rette rezervshilerdiń ekonomıkanyń túrli salalarynda aıtarlyqtaı tájirıbesi bar. Olardyń kóbi iri sheteldik jáne transulttyq kompanııalarda jumys isteıdi jáne jumys istegen.