Máýlen Áshimbaev Túrki memleketteri uıymynyń Bas hatshysymen kezdesti
Máýlen Áshimbaev Uıymnyń buǵan deıin ótken otyrysynda Qazaqstan Prezıdenti Qasym-Jomart Toqaev tyń bastamalar usynǵanyn atap ótti. Sondaı-aq aldaǵy ýaqytta olardy Uıym aıasynda ilgeriletýdiń mańyzdy ekenine nazar aýdardy.
«Qazaqstan Prezıdenti túrki memleketteri uıymy aıasynda birqatar mańyzdy bastamalar men usynystar jasady. Olardyń bári baýyrlas elderimiz arasyndaǵy jan-jaqty ózara tıimdi yntymaqtastyqty odan ári nyǵaıtýǵa baǵyttalǵan. Parlament Senaty aldaǵy kezeńde basqa túrki memleketteriniń parlamentshilerimen birlese otyryp osy bastamalardy júzege asyrý úshin belsendi jumys isteýge nıettenip otyr», – dedi Máýlen Áshimbaev.
Baǵdad Ámireev óz kezeginde Qasym-Jomart Toqaevtyń Túrki memleketteri uıymyna múshe elderdiń ekonomıkalyq jáne mádenı-gýmanıtarlyq yntymaqtastyǵyn odan ári nyǵaıtýǵa arnalǵan bastamalaryn iske asyrý jolynda Uıym belsendi jumys istep jatqanyn jetkizdi.
Senat Tóraǵasy Qazaqstan túrki elderimen kópjaqty yntymaqtastyqty damytýǵa, onyń ishinde parlamenttik baılanysty nyǵaıtýǵa basa mán beretinin aıtty. Ol sondaı-aq 5 maýsymda elimizde ótken respýblıkalyq referendýmǵa TúrkPA men túrki memleketteri uıymynyń baıqaýshylary qatysqanyn jáne olardyń Qazaqstannyń referendýmdy tabysty ótkizgeni týraly málimdeme jasaǵanyn tilge tıek etti.