Máýlen Áshimbaev: Tabıǵatpen únemi úılesimde bolý –babalarymyzdyń ómirlik fılosofııasy

NUR-SULTAN. QazAqparat – Qazaqstan jastary eldi aldaǵy túrli syn-qaterlerden súrindirmeı aman alyp shyǵýy postpandemııalyq úrdisterdi tereń bilýi kerek. QR Palamenti Senatynyń tóraǵasy Máýlen Áshimbaev «Táýelsizdik urpaqtary» atty respýblıkalyq jastar forýmynda osyndaı pikir bildirdi, dep habarlaıdy QazAqparat tilshisi.

«Qazir adamzat panedemııanyń saldaryn eńserip keledi. Bul indet álem elderi úshin úlken synaq boldy. Soǵan baılanysty qalyptasqan ómir súrý saltyn qaıta zerdeleý qajettigi týyndap otyr. Álemniń bolashaq kelbetin ózgertetin, adamdardyń ómirine tikeleı yqpal etetin postpandemııalyq úrdister qalyptasýda. Jastarymyz elimizdi aldaǵy túrli syn-qaterlerden súrindirmeı aman alyp shyǵýy úshin osy úrdisterdi tereń bilýi kerek», - degen Senat spıkeri qorshaǵan ortany qorǵaýdyń mańyzyna toqtaldy.

«Tabıǵatpen únemi úılesimde bolý – bizdiń babalarymyzdyń ómirlik fılosofııasy. Biz osyndaı kózqarasty qalpyna keltirýimiz kerek. Jer búkil adamzatqa, bizge deıingi jáne bizden keıingi urpaqqa ortaq. Al onyń múmkindigi shekteýli. Ýaqyt ótken saıyn taza aýa, taza sý, qunarly ónimder tapshylyǵy aıqyn sezilip keled. Qazirgideı esepsiz tutyný daǵdysyn jalǵastyra bersek, Jerdiń resýrstary uzaqqa jetpeıdi. Halqymyz «Sýdyń da suraýy bar» deıdi. Sondyqtan tabıǵatty qorǵaý ómirlik ustanymǵa aınalýǵa tıis», - dedi Máýlen Áshimbaev.