Máýlen Áshimbaev: Senat memqyzmetshilerdi quqyqtyq qorǵaýǵa qatysty jańa usynystardy zańnamalyq qoldaýǵa daıyn
«Bizge memlekettik qyzmetshilerdiń quqyqtyq qorǵalýy jaıynda oılanýymyz qajet sııaqty. Bul birshama ózindik tártibi bar tapsyrma. Biraq, ol jahandyq bolmasa da óte ózekti. Ókinishke oraı, bul basqarýymyz júıemizdegi eń osal tustyń bir. Ár deńgeıdegi memlekettik qyzmetshiler jaýapkershilik alǵysy kelmeıdi nemese qorqady. Sheshim qabyldaǵysy kelmeıdi. Bul barlyq jerde bar dep aıta almaımyz. Biraq, osyndaı úrdisti baıqaýdamyz. Mınıstrlikter, vedomstvodar, basqa da qurylymdarda, ákimdikterde memlekettik qyzmetshiler ártúrli deńgeıde ózderine jaýapkershilik alýdan qorqady. Mańyzdy sheshimdi ózge bireýge bere salǵysy kelip turady. Bir jaǵynan olardyń logıkasyn da túsýge bolatyn shyǵar. Memlekettik qyzmetshiler óziniń qaýipsizdigine alańdaıtyndyǵyn, quqyqtyq saldarynan qorqatyndyǵyn kórip otyrmyz», - dedi Senat tóraǵasy «Ashyq úkimet jáne basqarýdyń jańa mádenıeti: estý, túsiný jáne áreket etý» halyqaralyq ǵylymı-tájirıbelik konferentsııada.
Osy oraıda Máýlen Áshimbaev jaýapkershilikti ózine alýǵa daıyn bastamashyl basqarýshylarsyz el Prezıdenti bastama jasaǵan áleýmettik-ekonomıkalyq reformalardyń barlyq keshenin tıimdi iske asyrýǵa qol jetkize almaıtyndyǵymyzdy basa aıtty.
«Senat basqa da múddeli ınstıtýttarmen birge osy baǵyttaǵy jańa usynystarǵa zańnamalyq qoldaý kórsetýge daıyn», - dedi Senat spıkeri.