Máýlen Áshimbaev reseılikterdiń Qazaqstanǵa jappaı qonys aýdarýy múmkindigine qatysty pikir bildirdi
«Reseılikterdiń elimizge saparyn shekteýge tıisti emespiz, ıaǵnı olar bizge jumys saparymen, týystaryna nemese týrızm maqsatynda keledi. Sonymen qatar, Qazaqstan azamattary da Reseıge emin-erkin bara alady. Bul ózara protsess bolǵandyqtan, ony shekteı almaımyz», - dedi M. Áshimbaev Senattyń jalpy otyrysynan keıin tilshiler saýalyna jaýap bere otyryp.
Sonymen qatar ol elimizde turaqty turýyn rastaıtyn qujatty berý basqa másele ekenin aıtty. Qazaqstan Respýblıkasynda turaqty turýǵa ruqsat etetin qujat elimizde qandaı da bir múmkindikter beredi. Osy oraıda Qazaqstanda bul qujatty alý úshin kez kelgen basqa eldiń azamaty óz memleketinen ruqsat alýy kerek. Bul talap elimizdiń zańnamasynda naqty belgilengen. ıAǵnı shetel azamaty óz elinen ketetini týraly arnaıy paraqsha men basqa da qujattardy usynýy tıis.
«Al saıası baspanany berý, bosqyn dep taný men bosqyn mártebesin berý – ol da basqa másele. Bul jaǵdaı halyqaralyq sharttarmen, BUU jelisi boıynsha maquldanǵan tıisti qujattarmen retteledi. Qazir bul turǵyda másele kóterelip jatqan joq», - dedi Máýlen Áshimbaev.
Aıta keteıik, keshe RF Prezıdent Vladımır Pýtın Reseıdegi ishinara mobılızatsııa týraly qujatqa qol qoıdy.