Máýlen Áshimbaev Ortalyq Azııa elderi parlamentteriniń basshylarymen kezdesýler ótkizdi
Senat spıkeri ózbek tarapyna jáne Ózbekstan Olıı Májilisi Senatynyń tóraǵasy Tanzıla Kamalqyzy Narbaevaǵa kelesi jyly Samarqanda Ortalyq Azııa memleketteriniń parlamentaralyq ekinshi forýmyn ótkizýge daıyn ekendigi úshin alǵys aıtty.
Qyrǵyz Respýblıkasy Jogorký Keneshiniń tóraǵasy Nurlanbek Shakıevpen kezdesýde jaqynda ótken qazaq-qyrǵyz zııalylarynyń VII forýmynyń mańyzdylyǵy, halyqtardy odan ári mádenı jáne rýhanı jaqyndastyrýǵa umtylysy atalyp ótti. Osyǵan baılanysty naqtylyq pen praktıkalyq mazmunǵa basa nazar aýdaryp, parlamentaralyq baǵyttaǵy ózara is-qımyldy odan ári kúsheıtý qajettigi aıtyldy.
Ózbekstan Respýblıkasy Olıı Májilisi Senatynyń tóraǵasy Tanzıla Narbaevamen kezdesýde saýda-ekonomıkalyq baılanystardy keńeıtý, birqatar birlesken jobalardy iske asyrý úshin zańnamalyq negiz qurýǵa basty nazar aýdaryldy. Sonymen qatar, taraptar bilim jáne mádenıet salasyndaǵy yntymaqtastyqty keńeıtý perspektıvalaryn talqylady.
Tájikstan Respýblıkasy Májilisiniń tóraǵasy Mahmadtoır Zokırzodamen áńgime mádenı-gýmanıtarlyq baǵyt, sondaı-aq sý-energetıka salasyndaǵy ózara is-qımyl týraly tezısterdi qamtydy.
Buǵan deıin habarlaǵanymyzdaı, Túrkistanda Ortalyq Azııa memleketteriniń birinshi parlamentaralyq forýmy ótti.
Qazaqstan Respýblıkasynyń Prezıdenti Qasym-Jomart Toqaev Ortalyq Azııa memleketteriniń Parlamentaralyq forýmyna qatysýshylarǵa quttyqtaý hat joldady.
Senat tóraǵasy Máýlen Áshimbaev sóz sóıledi.
Forýmynyń qatysýshylary Túrkistan deklaratsııasyn qabyldady, qujat mátinin myna jerden oqı alasyz.