Máýlen Áshimbaev: Mundaı alapat órt elimizde eshqashan qaıtalanbasyn
«Abaı oblysynda bárimizdiń qabyrǵamyzdy qaıystyrǵan qıyn jaǵdaı bolǵanyn bilesizder. Ókinishke qaraı, alapat órttiń saldarynan ormanshylar qaza tapty. Soǵan baılanysty osy aptany jalpyulttyq aza tutýmen bastadyq. Memleket basshysy Qasym-Jomart Toqaev óńirge arnaıy bardy. Qaıtys bolǵandardyń otbasylaryna kómek kórsetý jóninde tıisti organdarǵa naqty tapsyrmalar berdi. Jalpy, órt sóndirý jumystary jáne osy baǵyttaǵy basqa sharalar Prezıdenttiń tikeleı baqylaýynda. Qaza tapqandardyń otbasylary men jaqyndaryna Senat atynan taǵy da kóńil aıtamyz. Marqumdardyń ımandary salamat bolsyn! Endi mundaı tótenshe oqıǵalar elimizde eshqashan qaıtalanbasyn», - dedi M. Áshimbaev.
Eske salaıyq, 8 maýsym kúni tutanǵan «Semeı» ormany rezervatyndaǵy órtpen kúreske jumyldyrylǵan 14 ormanshy qaza boldy.
Prezıdent Qasym-Jomart Toqaev jumys saparymen Abaı oblysyna bardy.
12 maýsym elimizde Aza tutý kúni bolyp jarııalandy.
13 maýsymda Abaı oblysynyń polıtseıleri 10 maýsymda joǵalyp ketken Besqaraǵaı aýdany Dolon aýylynyń turǵyny, traktorshy Sergeı Nıkolaevıch Arhıpovtyń máıitin tapty.