Máýlen Áshimbaev memlekettik basqarý protsesin jetildirýge baǵyttalǵan zańǵa pikir bildirdi
«Sizderdiń nazarlaryńyzǵa usynylyp otyrǵan zań jobasy memlekettik organdardyń derbestigi men jaýapkershiligin arttyrýǵa jáne memlekettik basqarý júıesinde sheshimder qabyldaýdyń jedeldigin qamtamasyz etýge baǵyttalǵan», - dedi senator Lázzat Rysbekova.
Memlekettik basqarý júıesin odan ári jetildirý maqsatynda QR Úkimetiniń keıbir ókilettikteri ortalyq memlekettik organdarǵa beriledi.
Atap aıtqanda:
- ekonomıkalyq salada: strategııalyq jospardyń iske asyrylýy týraly esepti jasaý jáne usyný tártibin belgileý; aýdıtorlyq qyzmetti lıtsenzııalaý kezinde qoıylatyn biliktilik talaptaryn bekitý; kásibı uıymdar men sertıfıkatsııalaý jónindegi uıymdar kýáliginiń nysandary men akkredıtteý erejesin bekitý;
- áleýmettik salada: Semeı ıadrolyq polıgonyndaǵy ıadrolyq synaqtar saldarynan týyndaǵan ıondaýshy sáýleniń áserinen bolatyn aýrýlardyń tizbesin bekitý; ekonomıkalyq qyzmet túrlerin kásiptik táýekel synyptaryna jatqyzý tártibin bekitý; halyqtyń tyǵyzdyǵyna jáne eldi mekenderdiń qashyqtyǵyna qaraı bilim berý uıymdary jelisiniń kepildik berilgen memlekettik normatıvin bekitý.
Sonymen qatar, zań jobasy aıasynda ortalyq memlekettik organdardan jergilikti atqarýshy organdarǵa keıbir fýnktsııalar beriledi. Onyń ishinde:
- Bilim jáne ǵylym mınıstrliginen – turmystyq zorlyq-zombylyqqa ushyraǵan oqýshylar men tárbıelenýshilerdiń arnaýly áleýmettik qyzmetterdi kórsetý standarttaryna sáıkes arnaýly áleýmettik qyzmetterdi kórsetý qajettilikterine taldaý jasaý;
- Indýstrııa jáne ınfraqurylymdyq damý mınıstrliginen -shekaralyq aımaqqa kireberisterde jol (aqparattyq) belgilerdi ornatý týraly;
- Aýyl sharýashylyǵy mınıstrliginen – balyq sharýashylyǵy óniminiń ónimdiligi men sapasyn arttyrýǵa, sondaı-aq asyl tuqymdy balyq sharýashylyǵyn damytýǵa sýbsıdııalar berý.
Sondaı-aq, Ekologııa, geologııa jáne tabıǵı resýrstar, Qorǵanys, Іshki ister, Tsıfrlyq damý, ınnovatsııalar jáne aeroǵarysh ónerkásibi mınıstrlikteriniń keıibir máselelerde ókilettikterin kúsheıtý maqsatynda birqatar qosymsha fýntsııalar beriledi.
Óz kezeginde Senat tóraǵasy Máýlen Áshimbaev búgin qabyldanǵan zań memlekettik basqarý júıesin reformalaý aıasynda jasalyp jatqan mańyzdy qadamdardyń biri ekenin aıtty.
«Zańdaǵy normalar memlekettik basqarý protsesin ary qaraı jetildirýge baǵyttalǵan. Sondaı-aq osy qujat memlekettik apparat qyzmetiniń tıimdiligin jáne memlekettik qyzmetterdi kórsetý sapasyn arttyrýdy kózdeıdi. Bul óz kezeginde ortalyq jáne jergilikti atqarýshy organdardyń derbestigi men jaýapkershiligin kúsheıtedi», - dedi M. Áshimbaev.
Aıta keteıik, bıyl qazan aıynyń sońynda Senat «Qazaqstan Respýblıkasynyń keıbir zańnamalyq aktilerine memlekettik basqarý deńgeıleri arasynda ókilettikterdi qaıta bólý máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldaǵan edi.