Máýlen Áshimbaev Konstıtýtsııa kúni týraly: Bıyl bul merekeniń máni burynǵydan erekshe
«Barshańyzdy Konstıtýtsııa kúnimen shyn júrekten quttyqtaımyn!
Ata Zań – táýelsizdigimizdiń tiregi, memlekettiligimizdiń negizi, eldigimizdiń kepili. Sondyqtan barlyq isimizdiń quqyqtyq bastaýy sanalatyn Konstıtýtsııamyzdy ardaqtaý – ár qazaqstandyqtyń abyroıly mindeti.
Bıyl bul merekeniń máni burynǵydan erekshe. Memleket basshysy Qasym-Jomart Kemeluly Toqaevtyń bastamasymen konstıtýtsııalyq reforma qolǵa alynyp, halqymyzdyń basym bóliginiń qoldaýymen Ata Zańǵa mańyzdy ózgerister engizildi. Sol sebepti, búgingi merekeni Jańa Qazaqstannyń taban tireıtin berik tuǵyry bolatyn jańartylǵan Konstıtýtsııamen atap ótip jatyrmyz.
Konstıtýtsııalyq reforma qalyptasqan saıası-quqyqtyq júıemizdi transformatsııalaýǵa negiz boldy. Soǵan baılanysty Parlamenttiń jańa sessııasynda qoldanystaǵy zańnamany osy irgeli ózgeristerge sáıkestendirý jumysy qarqyndy jalǵasady.
Konstıtýtsııa kúnimen quttyqtaı otyryp, ár shańyraqqa shattyq pen baq-bereke tileımin! Eldigimiz baıandy bolsyn! Ata Zańymyz mártebeli tuǵyrynan túspesin!»,-dedi Senat tóraǵasy Facebook paraqshasyndaǵy jazbasynda.