Máýlen Áshimbaev EO arnaýly ókilderimen Qazaqstandaǵy saıası jańǵyrýdy talqylady
Máýlen Áshimbaev kezdesýdi asha kelip, Qazaqstan Eýropalyq Odaqqa múshe barlyq eldermen jáne ınstıtýttarymen ózara tıimdi jáne pragmatıkalyq turǵydaǵy yntymaqtastyqty qalyptastyrýǵa zor mańyz beretinin atap ótti. Senat bul turǵyda parlamentaralyq yntymaqtastyqty odan ári damytýǵa erekshe nazar aýdarady.
Taraptar múddeli máseleler boıynsha mańyzdy aqparatpen júıeli almasýdy belgileıtin dıalog alańdarynyń jumysyn odan ári kúsheıtý qajettigin atap ótti. Ekijaqty saýda men ınvestıtsııalar kólemin keńeıtý, óńirlik qaýipsizdik máseleleri boıynsha pikir almasý, demokratııalyq qundylyqtardy ilgeriletý, sondaı-aq Prezıdent Qasym-Jomart Toqaevtyń bastamasymen elimizde júrgizilip jatqan saıası reformalar basym taqyryptardyń qatarynda boldy.
«Memleket basshysy «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýyn iske asyrý jónindegi sharalar týraly Jarlyqqa qol qoıdy. Saıası jańǵyrý jáne adam quqyqtaryn qorǵaý bóligi edáýir kólemde usynylyp otyr. Atap aıtqanda, saıası jańǵyrý baǵytyn jalǵastyrý aıasynda birqatar zańdardy qabyldaý josparlanýda. Zańnamaǵa aýdan ákimderin tikeleı saılaýdy pılottyq túrde ótkizý úshin qajetti túzetýler ázirlenetin bolady. Sondaı-aq, depýtattyq mandattardy bólý kezinde kvotany mindetti túrde esepke alý jáne áıelder men jastardan basqa erekshe qajettilikteri bar adamdar úshin kvota belgileı otyryp, kvota beriletin azamattar sanattarynyń tizbesin keńeıtý týraly normalardy bekitý josparlanýda», - dep atap ótti Senat Tóraǵasy.
Kezdesýde memlekettiń tıimdiligin, saıası protsestiń ashyqtyǵy men básekelestigin odan ári arttyrýdyń kepili retindegi Qazaqstanda júrgizilip jatqan saıası jańǵyrý talqylaýdyń basty taqyryby boldy.