Máýlen Áshimbaev: Eń bastysy, elimiz boıynsha konstıtýtsııalyq zańdylyq ornatyldy

NUR-SULTAN. QazAqparat – QR Parlamenti Senatynyń Tóraǵasy Máýlen Áshimbaev Memleket basshysynyń Qazaqstan halqyna jarııalaǵan úndeýine baılanysty pikir bildirdi, dep habarlaıdy QazAqparat.

«Memleket basshysy Qazaqstan halqyna úndeýin jasap, elimizde qalyptasqan ahýaldy turaqtandyrý úshin tıisti sharalar jalǵasyp jatqanyn aıtty. Qazirgi tańda memleket barlyq óńirdegi jaǵdaıdy tolyq baqylaýda ustap otyr. Eń bastysy, elimiz boıynsha konstıtýtsııalyq zańdylyq ornatyldy. Bul – Prezıdentimiz aıtqandaı, engizilgen tótenshe jaǵdaıdyń nátıjesi.

Shyn máninde, biz az kúnniń ishinde tynyshtyq pen turaqtylyqtyń kez kelgen ýaqytta qoldan sýsyp ketýi múmkin ekenin túsindik. Daý kóbeıse, jaý kóbeıedi deıdi. Sondyqtan qazir arandatýshylar men alyp-qashpa áńgimelerge ermeý asa mańyzdy. Syn saǵatta Prezıdentimizge qoldaý bildirip, memlekettilikti saqtaý jolynda judyryqtaı jumylýymyz kerek»,-dedi Senat tóraǵasy.