Máýlen Áshimbaev dárigerlerdi kásibı merekesimen quttyqtady
Atalǵan mekeme - elordadaǵy eń mańdaıaldy densaýlyq saqtaý nysandarynyń biri. Zamanaýı kópbeıindi klınıkalyq ortalyq biregeı qondyrǵylarmen jabdyqtalǵan. Munda naýqastarǵa shuǵyl jáne josparly túrde joǵary sapaly medıtsınalyq kómek kórsetiledi. Bul aýrýhanada jumys isteıtin mamandar da bilikti, bilimdi, óz isteriniń naǵyz sheberleri.
Bas dáriger Birjan Dosmaıylovtyń aıtýynsha, olardyń arasynda álemniń aldyńǵy qatarly klınıkalarynda biliktiligin arttyryp, mol tájirıbe jınap kelgen dárigerler de bar. Aýrýhanada 13 klınıkalyq jáne 8 paraklınıkalyq bólim turaqty jumys isteıdi.
Nysannyń jumys barysymen tanysqan Máýlen Áshimbaev aq halatty abzal jandardy partııanyń jáne partııa Tóraǵasynyń atynan kásibı merekelerimen quttyqtap, jumystaryna jemis tiledi.
- Elbasymyzdyń saıasatynyń arqasynda elimizde densaýlyq saqtaý salasy júıeli túrde damyp keledi. Oǵan jyl saıyn ashylyp jatqan jańa medıtsınalyq mekemeler dálel. Osy maýsym aıynan bastap sala mamandarynyń jalaqysy da ósti. Munyń barlyǵy memleket tarapynan júzege asyrylyp kele jatqan ıgi bastamalardyń nátıjesi ekeni sózsiz, - dedi Máýlen Áshimbaev.
Sondaı-aq partııa Tóraǵasynyń Birinshi orynbasary elimizdiń saıası ómirindegi oqıǵalarǵa nazar aýdaryp, ótken saılaýdyń mańyzyna toqtaldy.
- Qazaqstan Prezıdenti Qasym-Jomart Kemeluly Toqaev óziniń saılaýaldy baǵdarlamasynda densaýlyq saqtaý salasyna erekshe kóńil bóldi. Dárigerlerdiń mártebesin kóterýge de basa mán berilgeni belgili. Sondyqtan aldaǵy ýaqytta medıtsınalyq qyzmettiń sapasyn arttyryp, halyqqa qoljetimdiligin qamtamasyz etýge baǵyttalǵan naqty sharalar qolǵa alynady, - dedi Máýlen Áshimbaev.
Sondaı-aq ol aldaǵy ýaqytta bul júıege jumsalatyn shyǵyndy turaqty negizde arttyryp, ІJÓ-niń 5 paıyzyna deıin jetkizý kózdelip otyrǵanyn aıtty. Baǵdarlamada sapaly medıtsınalyq qyzmetti qala men aýylda birdeı qoljetimdi etý, elimizdiń barlyq aımaǵynda alǵashqy medıtsınalyq-sanıtarlyq kómekti qamtamasyz etip, densaýlyq saqtaý salasyn tolyq materıaldyq-tehnıkalyq jabdyqtaý sııaqty naqty sharalar qarastyrylǵan. Odan bólek, salamatty ómir saltyn nasıhattap, bilikti dárigerler daıyndaý isine de úlken kóńil bólingen.
Máýlen Áshimbaev densaýlyq saqtaý isin jaqsartýǵa «Nur Otan» partııasynyń da úles qosyp, bul baǵytta belsendi jumys isteıtinine toqtaldy.
- Halyqtyń densaýlyǵyn jaqsartyp, salamatty ult qalyptastyrýǵa bizdiń partııamyz da basa mán berip otyr. Sondyqtan alǵa qoıǵan osyndaı naqty maqsattarymyzǵa qol jetkizý úshin bárimiz judyryqtaı jumylyp, Elbasymyz ben Prezıdentimiz júktegen mindetterdi birlesip oryndaýymyz kerek, - dedi ol.
Dárigerler demalys kúnine qaramastan arnaıy kelip, ózderin quttyqtaǵan partııa ókilderine rızashylyqtaryn bildirdi.
- Bılik tutqasyn ustap júrgen azamattardyń ortamyzǵa kelip, kásibı merekemizben quttyqtaǵany úshin erekshe qýanyshtymyz. Bul - Elbasymyzdyń bizderge degen udaıy qamqorlyǵynyń kórinisi. Aldaǵy ýaqytta osy saladaǵy ıgi ister óz jalǵasyn tabaryna senimdimin. Sebebi jańadan saılanǵan Prezıdentimiz Qasym-Jomart Kemeluly Toqaevtyń saılaýaldy baǵdarlamasynda densaýlyq saqtaý salasyna úlken kóńil bólingen. Biz sol maqsattarǵa jetý úshin aıanbaı eńbek etýge daıynbyz, - deıdi aýrýhananyń neırohırýrg dárigeri Erlan Hasenov.