Máýlen Áshimbaev Atyraý oblysynda partııalyq jobalardyń iske asyrylýyna joǵary baǵa berdi

ATYRAÝ. QazAqparat - Atyraý oblysyna jumys sapary aıasynda «Nur Otan» partııasy Tóraǵasynyń birinshi orynbasary Máýlen Áshimbaev partııanyń oblystyq fılıalynyń aktıvimen májilis ótkizdi, dep xabarlaıdy QazAqparat tilshisi.

Atyraý oblysynda tsıfrlyq saýattylyqty arttyrý, ǵylymı shyǵarmashylyq jáne zertteý daǵdylaryn qalyptastyrýǵa baǵyttalǵan birqatar jobalar oıdaǵydaı iske asyrylýda. Óńirde balalardy programmalaý jáne robototehnıka negizderine oqytý boıynsha ІT-synyptar ashylýda, dástúrli kitaphanalar zamanaýı bilim ortalyqtaryna ózgertilip, sport alańdary rekonstrýktsııalanýda, erekshe qajettilikteri bar adamdar úshin barlyq qajetti ınfraqurylym jasalýda.

Partııa músheleri kezdesýiniń basty taqyryby Memleket basshysynyń elimizdiń jetekshi saıası kúshin modernızatsııalaý jónindegi tapsyrmalaryn iske asyrý boldy. Partııanyń oblystyq aktıvimen kezdesýde Máýlen Áshimbaev Elbasynyń tapsyrmalaryn iske asyrýdy qamtamasyz etetin ózekti máseleler týraly aıtty.

   «Partııalyq modernızatsııalaýdyń naqty jospary daıyn. Bul reformanyń basty maqsaty - Qazaqstannyń ekonomıkalyq, saıası jáne rýhanı salalarynda modernızatsııalaý baǵytyn saıası qoldaýdyń neǵurlym tıimdi tetikterin qurý. Birinshi kezekte, biz partııalyq kadrlardyń básekege qabilettiligin arttyrýymyz qajet. Sapalyq quramǵa tolyq tekserý júrgiziletin bolady, partııalyq bilim berý júıesi jańa deńgeıge shyǵady. «Nur Otan» jastarmen belsendi yntymaqtastyq jasap, memlekettik organdarda jumys jasaý úshin olardyń arasynan eń talantty jáne belsendilerin usyna otyryp, joǵary bilikti basqarýshylardy óz betimen daıyndaıtyn bolady. Ekinshiden, partııa jalpyulttyq kúntártibin qalyptastyrýǵa qatysatyn qýatty ıdeıa jasaýshy, strategııalyq kúsh bolýy tıis. Nurotandyqtar óz qyzmetterin jandandyryp, elimizde týyndaǵan eń ózekti jáne problemalyq máselelerge jedel áreket etetin bolady», - dedi Máýlen Áshimbaev.

Onyń atap ótýinshe, Memleket basshysy bergen tapsyrmalaryn oryndaý baǵytynda júrgizilgen jumystarǵa oń baǵa berdi. Búgin «Nur Otan» naqty isterdiń partııasy bolýda. Jobalardy ýaqytyly jáne sapaly iske asyrý jergilikti jerlerde de júrgizilýde. 

«Atyraý oblysynda úlken jumystar atqaryldy, óńirdegi bastaýysh partııa uıymdarynyń oılastyrylǵan jáne úılestirilgen jumysy qandaı nátıje berip otyrǵanyn kórip otyrmyz. Barlyq jańa jobalar turǵyndar bizdiń jumysymyzdyń naqty nátıjesin kóretindeı etip baǵyttalǵan. Bizdiń partııa qurylǵan sátinen bastap ekonomıkalyq áleýmettik jáne saıası salalarda Elbasynyń júrgizip otyrǵan saıasatyn belsendi jáne birizdi taratýshy boldy. Osy tarıhı kezeńde ózimizdiń basty mıssııamyzdy memleket basshysynyń senimdi tiregi jáne Qazaqstandy úshinshi modernızatsııalaýǵa júıeli qatysatyn strategııalyq kúsh retinde kóremiz», - dep atap kórsetti Máýlen Áshimbaev.

Partııalyq aktıvte sóz sóılegen «Nur Otan» partııasy Atyraý oblystyq fılıalynyń tóraǵasy, oblys ákimi Nurlan Noǵaev óńirde Prezıdenttiń bes áleýmettik bastamasyn iske asyrýdaǵy jumystar týraly áńgimeledi.

«Memleket basshysy bastama jasaǵan barlyq baǵyttar boıynsha oblysta aýqymdy jumystar júrgizilýde. «Nur Otan» partııasy oblystyq fılıaly Atyraý memlekettik ýnıversıtetiniń bazasynda ІT-ortalyq qurdy. Qysqa merzimde ortalyq 113 maman daıyndady, onyń ishinde oblys jáne qala mektepteriniń 35 oqytýshysy bar. Oblys boıynsha baǵdarlamalaýdy oqytýdy júrgizetin barlyǵy 10 ІT-synyp ashyldy. Stýdentterdi jataqhanalarda oryndarmen qamtamasyz etýge nazar aýdarylýda. Jańa oqý jylynyń qarsańynda «QazTransOıl» AQ burynǵy ǵımaraty Atyraý memlekettik ýnıversıtetine berildi. 450 oryndyq ǵımarat stýdentterdiń jataqhana máselesin sheshýge múmkindik berdi. Búgingi kúni taǵy da úsh jataqhananyń qurylysy júrgizilýde jáne segiz jataqhananyń qurylysyn salýǵa arnalǵan jobalaý-smetalyq qujattama daıyndalýda. 2020 jylǵa deıin biz stýdentterdi jataqhanamen qamtamasyz etý máselesin tolyqtaı sheshetin bolamyz», - dedi Nurlan Noǵaev.

Onyń aıtýynsha, stýdentterdi jataqhanalarda orynmen qamtamasyz etýge nazar aýdarylýda. Jańa oqý jylynyń qarsańynda «QazTransOıl» AQ burynǵy ǵımaraty Atyraý memlekettik ýnıversıtetine berildi. 450 oryndyq ǵımarat stýdentterdiń jataqhana máselesin sheshýge múmkindik berdi. Búgingi kúni taǵy da úsh jataqhananyń qurylysy júrgizilýde jáne segiz jataqhananyń qurylysyn salýǵa arnalǵan jobalaý-smetalyq qujattama daıyndalýda. 2020 jylǵa deıin óńirde stýdentterdi jataqhanamen qamtamasyz etý máselesin tolyqtaı sheshimin tabatyn bolady.

Óńir basshysy kadr tapshylyǵy máselesine de toqtaldy. Ótken jyly jergilikti bıýdjetten Qazaqstannyń joǵary oqý oryndaryna túsý úshin 222 jasqa bilim berý granttary bólindi. Osy jyly taǵy 247 abıtýrıent qajetti mamandyqtarǵa oqýǵa múmkindik aldy. Osylaısha birneshe jyl ishinde oblysta óńir ekonomıkasynyń mańyzdy salalary - medıtsınada, bilim berýde, aýyl sharýashylyǵynda mamandardyń jetispeýshiligi máselesin sheshý josparlanýda.

Partııa aktıvimen kezdesýde birqatar usynystar berildi. Atap aıtqanda múgedekterdi arnaıy ádisteme boıynsha oqytý, olardy naryqtyń zamanaýı jaǵdaılarynda áleýmettik ortaǵa beıimdeý jáne jumysqa ornalastyrý, Qazaqstannyń qasıetti jerlerine barý boıynsha jastar bastamalaryn qoldaý boıynsha.

«Nur Otan» partııasy tóraǵasynyń birinshi orynbasary Máýlen Áshimbaev bul baǵyttar partııanyń jumysynda mańyzdy jáne olar jaqyn aradaǵy josparlarda eskeriletinin atap kórsetip, nazarǵa aldy.