Máýlen Áshimbaev almatylyq jastardyń ınnovatsııalyq bastamalarymen tanysty

ALMATY. QazAqparat - «Nur Otan» partııasy Tóraǵasynyń birinshi orynbasary Máýlen Áshimbaevtyń Almatyǵa jumys sapary almatylyq jastardyń «Smart. Point» kovorkıng ortalyǵyndaǵy kezdesýmen aıaqtaldy, dep habarlaıdy QazAqparat tilshisi.  

Atalǵan ortalyq megapolıs turǵyndary úshin túrli startaptardy  júzege asyratyn oryn retinde tanylǵan. Aptanyń 7 kúninde 24 saǵat jumys isteıtin ortalyqta sport zal, jastardyń ıdeıalarymen jumys isteýine arnalǵan bólmeler bar.

«Búgingi kezdesý maǵan qatty unady. Barlyǵyńyzǵa alǵys aıtamyn. Partııany jańǵyrtýǵa baılanysty usynystaryńyzdy kútemiz. Munda shyǵarmashylyq orta qalyptasqan eken. Qazaqstannyń ınnovatsııalyq orta qalyptastyrýǵa degen talpynysyn osy jerden kórýge bolady eken», - dedi Máýlen Áshimbaev ortalyq jumysymen tanysa kele.

Sózinde Máýlen Áshimbaev jastardy «Nur Otannyń» uıymdastyrýymen ótetin jastar arasyndaǵy ınnovatsııalyq dástúrli jobalar baıqaýyna qatysýǵa shaqyrdy.
 

Aıta keteıik, «Nur Otan» partııasy jýyrda ınnovatsııany qoldaýǵa baǵyttalǵan taǵy bir jobany qolǵa almaq. «Nurotandyqtardyń» aıtýynsha, partııasy osy joba arqyly otandyq ǵalymdardyń jumysyna tyń serpin berýdi josparlap otyr.