Máýlen Áshimbaev Aqtóbede «Halyqqa kómek» jobasymen tanysty
Aqtóbe kelgen «Nur Otan» partııasy tóraǵasynyń birinshi orynbasary Máýlen Áshimbaev aldymen «Halyqqa kómek» jobasymen tanysty. Munda qoǵamdyq qabyldaý bóliminiń, memlekettik qyzmetkerler kópbalaly, muqtaj otbasylardyń suraqtaryna jaýap beredi. Máselen, Aqtóbedegi biryńǵaı áleýmettik tereze júıesiniń qyzmetine 80-nen astam kópbalaly otbasy keldi. Onyń 30-dan astamyna birden kómek berilip, suraqtary sheshildi. Deni turǵyn úı, jumyspen qamtý, materıaldyq kómek týraly surady. Keıin partııa múshelerimen kezdesip, Elbasy Nursultan Nazarbaevtyń partııa sezde bergen tapsyrmalaryn oryndalý jaıyn aıtty. «Baqytty otbasy», «Aýyl - el besigi», «Qutty meken», «Halyqqa kómek» jobalaryn iske asyryp, partııalyq baqylaýdy kúsheıtýdi tapsyrdy.
Máýlen Áshimbaev óz sapary kezinde kópbalaly, jas otbasylarǵa páter berý sharasyna qatysty.
«Elbasy halyqtyń ál-aýqatyn arttyrýdy tapsyrǵany belgili. Osy baǵytta sońǵy jyldary biraz jumys atqaryldy. Halyqtyń ál-aýqatyn arttyrý degenimiz - jumyspen qamtý, jalaqyny ýaqytyly berý, baspanamen qamtamasyz etý, áleýmettik nysandardyń qoljetimdi etip, bilim berý, densaýlyq saqtaý júıesin damytý», - dedi Máýlen Áshimbaev.
Aıta keteıik, «Nurly jer» baǵdarlamasy aıasynda 2025 jylǵa deıin elimiz boıynsha 40 myńnan astam jaldamaly páter beriledi. Aqtóbe oblysynda 23 myń sharshy metr páter tapsyrý josparlandy. Turǵyn úı Aqtóbe qalasynan ózge Mártók, Hromtaý aýdandarynda salynady. Jergilikti bıýdjet esebinen Qobda, Muǵaljar, Oıyl aýdandaryna 60 páter salynady.
«Jas otbasy» baǵdarlamasy aıasynda búgin baspanaly boldym. Úsh balamyz bar, ózim jalpy tájirıbeli dáriger bolyp eńbek etemin. Otbasymyzda esh kezekke turmaı, Aqtóbe qalasynyń 150 jyldyǵyna oraı Turǵyn úı qurylys jınaq bankine aqsha jınap, osyndaı qýanyshqa keneldi», - dedi qala turǵyny Inııaz Esenǵalıeva.
Aqtóbege kelgen «Nur Otan» partııasy tóraǵasynyń birinshi orynbasary Máýlen Áshimbaev múgedekterge arnap, arnaıy jasaqtalǵan kovorkıng ortalyǵynyń ashylýyna qatysty. Munda múmkindigi shekteýli jandar jınalyp, bos ýaqytyn tıimdi ótkize alady.