Máýlen Áshimbaev: Aq Olımpıada – barsha sportsúıer qaýym úshin mańyzdy oqıǵa
«Búgin Qytaı astanasy Beıjińde XXIV qysqy Olımpıada oıyndarynyń alaýy tutandy. Bul – barsha sportsúıer qaýym úshin mańyzdy oqıǵa. Osy dúbirli dodada bizdiń sportshylarymyz da baq synaıdy. Memleket basshysy Qasym-Jomart Kemeluly Toqaev Olımpıadanyń saltanatty ashylý rásimine arnaıy qatysyp, atletterimizge qoldaý bildirdi», - dep jazdy Senat spıkeri Instagram paraqshasynda.
Ol táýelsizdik alǵaly qazaqstandyq sportshylar aq Olımpıadaǵa turaqty túrde qatysyp kele jatqanyn, osy jyldar ishinde Vladımır Smırnov, Lıýdmıla Prokasheva, Elena Hrýstaleva, Denıs Ten jáne ıÝlııa Galysheva sııaqty sańlaqtarymyz jeńis tuǵyrynan kórinip, barsha qazaqstandyqtarǵa zor qýanysh syılaǵanyn atap ótti.
«Bıylǵy qysqy oıyndardan keıin bul tizim tolyǵa túsedi dep senemiz. Tórtkúl dúnıe kóz tikken osyndaı alamandaǵy jeńister ultty uıystyryp, azamattarymyzdyń patrıottyq rýhyn arttyratyny anyq. Biz bul joly da dál sondaı tamasha kóńil-kúıdi bastan ótkeremiz dep úmittenemiz. Osy jolda Beıjińge attanǵan árbir atletimizge jeńis pen sáttilik tileımiz jáne árdaıym qoldaý bildiremiz», - dedi Máýlen Áshimbaev.