«Mass-medıa týraly» zań jobasynyń jańartylǵan nusqasy naýryzda qoǵam talqysyna usynylmaq
Ulttyq medıa qaýymdastyq ótkizgen sharaǵa Aqparat komıtetiniń tóraǵasy Eldos Náshiráli, departament dırektory Jasulan Ómiralıev jáne basqa da BAQ ókilderi qatysty.
«Konferentsııada túrli mańyzdy suraqtar kóterildi.Birinshi qaralǵan másele zań jobasynda kózdelgen BAQ pen jýrnalısterge tótenshe jaǵdaı kezinde materıaldardy ýákiletti organmen kelisý talaptary boldy. Kópshilik bul talaptyń oryndalýy qıyndylyǵyn jetkizdi, sebebi materıal kelisilgenshe, oqıǵa týraly derekter ózektiligin joǵaltatytyn atap ótti. Osy turǵyda eshqandaı aqparattyń joqtyǵy turǵyndar arasynda dúrbeleń týdyrýyda múmkin. Mınıstrlik pikirlerdi qabyldap, bul tarmaqty joıý nemese túzetýler engizý múmkindigi qazir pysyqtalyp jatqanyn habarlady.
Talqylaý barysyndaǵy ekinshi qyzý másele – zań jobasynan BAQ pen jýrnalısterge materıaldy teriske shyǵarý, alyp tastaý nemese ózgertý úshin talap qoıý sharttaryna ýaqyt jaǵynan shekteý qoıý suraǵy boldy. Bul týraly pýnkt zańjobadan alynyp tastalǵany durys emes ekenin jetkizdi. J.Ómiralıev mınıstrliktiń osy pikirmen kelisetinin aıtyp, tarmaqty zań jobasyna qaıtarý jumystary júrgizilip jatqanyn málimdedi.
Jýrnalısterge arnalǵan baspasóz kartasyn engizý máselesi talqylanǵan kezde túrli pikirler aıtyldy. Baspasóz kartasynyń qajettiliginde aıtyp, kartochkanyń engizilýi keıbir jýrnalısterdiń qyzmetin shekteý múmkin degende pikirler aıtyldy. Mınıstrlik baspasóz kartasynyń engizilýi jýrnalısterge kóbirek múmkindik berip, olardyń quqyqtaryn qorǵaıtynyn jetkizdi. ıAǵnı, baspasóz kartasy arqyly jýrnalıst kez kelgen memlekettik organǵa mindetti túrde kire alady, sondaı-aq kartochkany kórsetken kezde polıtsııa mıtıngter kezinde nemese basqa da adamdar kóp jınalatyn oryndarda jumys istegende jýrnalısti birinshi kezekte qorǵaıtynynda atap ótti», - dedi Kemelbek Oıshybaev.
Talqylaýdyń nátıjesinde qatysýshylar press kartanyń berilý jáne keri qaıtaryp alý rásimderi jýrnalısterdiń jumysyna kedergi keltirmeýi úshin halyqaralyq tájirıbeni eskere jasaý qajettiligine nazar aýdarǵan.
«Sondaı-aq konferentsııada YouTube arnalaryn buqaralyq aqparat quraldary sanatyna jatqyzý, ınternet-teledıdar platformalaryn retteý týraly usynystar aıtylyp, Mınıstrlik usynystardy qarastyrýǵa ýáde berdi. Jańartylǵan zań jobany mınıstrlik
naýryz aıynyń basynda qoǵamǵa kórsetýdi josparlaýda», - dedi Ulttyq BAQ qaýymdastyǵynyń jetekshisi.