«Mass-medıa týraly» zań jobasy: Depýtattar «baspasóz kartasyna» qarsylyq bildirdi

<p>Májilis depýtattaryna &laquo;Mass-medıa týraly&raquo; zań jobasyn birinshi oqylymda tanystyrǵan Aıda Balaeva talaı pikirtalasqa taqyryp bolǵan &laquo;baspasóz kartasy&raquo; týraly normaǵa túsinik berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Biz, «Amanat» fraktsııasy bul normaǵa úzildi-kesildi qarsymyz. Mundaı quıtyrqy formatty shekteý normalaryn engizýdi qoıý kerek dep esepteımiz. Osyǵan oraı, Májilistegi «Amanat» fraktsııasy óz alańdaýshylyǵyn bildirip, salystyrmaly kesteden ol normany alyp tastaýdy usynǵan. Naqty suraǵym: osy normaǵa salalyq mınıstr retinde kózqarasyńyz qandaı? Jýrnalıster qaýymy men «Amanat» depýtattarynyń ustanymyn qoldaısyz ba?», – dep surady Májilis depýtaty Aıdos Sarym.

Mınıstr bul normany zań jobasynda qaldyrý nemese qaldyrmaý máselesi áli naqty sheshilmegenin aıtty.

«Bul tarmaq, bastama jýrnalısterdiń eshqandaı quqyǵyn buzbaıdy. Sebebi bizdiń mınıstrliktiń 2024 jylǵy jumys josparynda medıa salasyndaǵy barlyq máseleni retteý úshin medıaplatforma jasaqtap, iske qosýdy qarastyryp otyrmyz. Ol BAQ-tyń zańdy esepke turýy, esepten shyǵýy, gazet-jýrnaldardyń túpnegizin saqtaý, akkredıtteý máselelerin avtomattandyrý úshin qurylady. Bul – jýrnalısterdiń jumysyn jeńildetýge baǵyttalǵan norma bolatyn. Bul norma depýtattar korpýsyn da, jýrnalısterdi de ekige bólip otyrǵanyn eskerip, ekinshi oqylymǵa deıin taǵy da jan-jaqty qarap, ortaq bir mámilege kelsek bolady. Biz belden basyp, tek qana ózimizdiń normamyzdy engizemiz degen másele joq», – dedi mınıstr.