Mass-medıa salasynda memlekettik qyzmetter kórsetý qaǵıdalary qoǵamdyq talqylaýǵa usynyldy

<p>ASTANA. KAZINFORM &ndash; QR Mádenıet jáne aqparat mınıstrligi &laquo;Mass-medıa salasyndaǵy memlekettik qyzmetter kórsetý qaǵıdalaryn bekitý týraly&raquo; buıryq jobasyn qoǵamdyq talqylaýdy bastaý týraly habarlaıdy.</p>

Mınıstrlik buıryq jobasy qoljetimdi ekenin, bul rette turǵyndardy jobany talqylaýǵa shaqyrdy.

Qujatqa túsindirme jazbada buıryq jobasyn iske asyrý qarjylyq shyǵyndardy talap etpeıtini jáne teris áleýmettik-ekonomıkalyq jáne (nemese) ózge de quqyqtyq saldarlarǵa ákep soqpaıtyny jáne ulttyq qaýipsizdikti qamtamasyz etýge áser etpeıtini atap ótiledi.

Buıryq jobasy bıylǵy 16 tamyzǵa deıin qoǵamdyq talqylaýǵa jatady.

Aıta keteıik, «Mass-medıa týraly» QR Zańy Memleket basshysynyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýynda memlekettiń múddelerin, qoǵamnyń suranystaryn jáne medıa salasynyń damý úrdisterin eskere otyryp, buqaralyq aqparat quraldary týraly zańdy qaıta qaraý týraly bergen tapsyrmasyn oryndaý maqsatynda ázirlengen bolatyn.

Buǵan deıin Memleket basshysy jýrnalıstermen kezdesýde «Mass-medıa týraly» zań óte mańyzdy qujat ekenin atap ótti. Sonymen qatar atalǵan zań aqparattyq derbestigimizdi nyǵaıtýǵa múmkindik beretinin eskertti.