Máslıhat depýtattyǵyna kandıdattardyń úgit jumystary bastaldy
23 aqpanda jergilikti máslıhat depýtattyǵyna kandıdattardy tirkeý aıaqtalǵanyn atap ótken ol: "Búgingi kúnnen, ıaǵnı 24 aqpannan bastap máslıhattar depýtattyǵyna tirkelgen barlyq kandıdattar úgit jumysyna kiristi. Sonymen búgin - saılaýaldy úgittiń bastalatyn kúni. Biz barlyq tirkelgen 10 myń 825 kandıdattyń jergilikti jerlerdegi problemalyq máselelerdi sheshý boıynsha saılaýaldy baǵdarlamalarynda óz ıdeıalary men usynystaryn jasaıtyndyǵyna jáne respýblıkanyń saılaý zańnamasyna sáıkes saılaýshylar daýysy úshin adal básekelestik kúres júrgizetindigine senemiz", - dedi.
M.Sársembaevtyń alǵa tartqan derekterine sáıkes, barlyq deńgeıdegi máslıhattardyń 3335 depýtaty, sonyń ishinde oblystyq, Astana jáne Almaty qalalyq máslıhattaryna 550 depýtaty, aýdandyq máslıhattardyń 2160, qalalyq máslıhattardyń 625 depýtaty saılanady.