Máslıhat depýtattyǵyna eń jas úmitker Pavlodar oblysynda, eń egdesi Astanada turady
«Máslıhattarǵa keletin bolsaq, elimizde 223 máslıhat bar. Ondaǵy 3 415 mandattyń 3 081-i majorıtarlyq negizde saılanady. Bul – oblystyq, respýblıkalyq mańyzy bar qalalar men Astana quramynyń jartysy, sondaı-aq qalalar men aýdandar máslıhattarynyń depýtattary. Aýmaqtyq saılaý komıssııalarynyń málimeti boıynsha 3 081 depýtattyq orynǵa 10 288 kandıdat, bir orynǵa úshten astam kandıdat usynylǵan», - dedi ol OSK kezekti otyrysynda.
Aıtýynsha, oblystyq máslıhat saılaýyna bir mandatty saılaý okrýgteri boıynsha – 1 451 kandıdat, qalalyq máslıhatqa – 2 114, aýdandyń máslıhatqa – 6 732 kandıdat tirkelgen.
«Máslıhattar depýtattyǵyna úmitkerlerdiń 61,8%-y ózin-ózi usynsa, 38,2%-yn saıası partııalar men qoǵamdyq birlestikter usyndy. Kandıdattardyń 72,8%-y – erler, 27,2%-y – áıelder. Ortasha jas – 42,6. Eń jas kandıdat Pavlodar oblysynda, eń egdesi Astana qalasynda turady. Barlyǵy 39 ulttyń ókilderi usynyldy.
Eske salsaq, keshe Májilis pen máslıhat saılaýynyń úgit-nasıhat kezeńi bastaldy.
Sondaı-aq, Ortalyq saılaý komıssııasy partııalardyń ataýlary saılaý bıýleteninde qandaı tártippen ornalasatynyn jerebe arqyly anyqtaǵan bolatyn.