Máslıhat depýtattarynyń saılaýyna 104 kandıdat usynylyp, 9-y tirkeldi - OSK

ASTANA. QazAqparat - Máslıhat depýtattarynyń saılaýyna 104 kandıdat usynylyp, 9-y tirkeýden ótti. Bul týraly búgin Ortalyq saılaý komıssııasynyń otyrysy barysynda málim boldy.

Eske sala keteıik, búgingi tańda respýblıkamyzda túrli deńgeıdegi 213 máslıhat jumys jasaıdy. Al osy máslıhattar depýtattaryna 3335 mandat tıesili bolsa, sonyń 48-i qazirgi ýaqytta bos. Soǵan oraı, 26 qazanda 48 okrýgte máslıhattardyń shyǵyp qalǵan depýtattarynyń ornyna úmitkerlerdi saılaý ótedi.

«Jumyldyrylǵan oblystyq jáne Almaty qalalyq saılaý komıssııalary usynǵan málimetterge sáıkes, 19 qyrkúıektegi jaǵdaı boıynsha máslıhattar depýtattyǵyna 104 kandıdat usynyldy, olardyń 9-y tirkeldi», - delingen OSK taratqan baspasóz habarlamasynda.