Maskúnemdi májbúrlep emdeýge polıtseıler óz qaltasynan tóleıtini ras pa

<p><span style="font-family: sans-serif; font-size: 18px;">Іshki ister vıtse-mınıstri Igor Lepeha Májiliste ótken jıynda maskúnemderdi májbúrlep emdeýge polıtseı qyzmetkerleri múddeli ekenin aıtty, dep habarlaıdy QazAqparat tilshisi.</span></p>

«Elimizde maskúnemderdi májbúrlep emdeý máselesi sheshilmegen. Sol sııaqty olardy emdeýge jiberý rásimi óte bıýrokratııalanǵan. Іs júzinde olardy emdetýge tek ýchaskelik ınspektorlar múddeli. Óıtkeni, janjal shyǵarýshylardy otbasynan jáne jaqyndarynan ýaqytsha oqshaýlaýǵa (6 aıdan 2 jylǵa deıin – red.), sol arqyly qylmystyń aldyn alýǵa múmkindik beredi. Alaıda, narkologııa mekemeleriniń medıtsına qyzmetkerleri tıisti sheshimder qabyldaýǵa qulyqsyz. Nátıjesinde polıtseıler bul jumysty kóbine óz qarajaty esebinen jasaýǵa májbúr», –dedi Igor Lepeha Májilistiń zańnama jáne sot-quqyqtyq reforma komıtetiniń otyrysynda.

Vıtse-mınıstr polıtsııa qyzmetkerleri qandaı protsedýralarǵa aqsha tóleıtinin de aıtty.

«Bul – materıaldardy sotqa rásimdeý, analız tapsyrtý, quqyq buzýshyny saraptamadan ótkizý jáne ony medıtsına mekemesine jetkizý.

Odan bólek, qazir narkologııalyq dıspanserlik esepte 62 myń adam tur. Bizdiń bastamamyz boıynsha sottar májbúrlep emdeý týraly shamamen 5 myń materıaldy qanaǵattandyrdy. Alaıda, bos tósek-orynnyń bolmaýyna baılanysty 72% ǵana jatqyzyldy», – deıdi ol.