Masktyń top-menedjerleri onyń esirtki qoldanýyna alańdaıdy – WSJ

<p>Tesla jáne SpaceX top-menedjerleri osy kompanııalardyń bas dırektory Ilon Masktyń esirtki qoldanyp júrgenine alańdap otyr. Bul týraly senbi, 6 qańtarda&nbsp; kásipker men onyń kompanııalarymen tanys aty atalmaǵan suhbattastaryna silteme jasap Wall Street Journal (WSJ) málim etti. <a href="https://kaz.inform.kz/" target="_blank" rel="noopener">Kazinform</a> agenttigi bul týraly <a href="https://www.dw.com/ru/wsj-topmenedzery-tesla-i-spacex-obespokoeny-privyckami-ilona-maska/a-67912532" target="_blank" rel="noopener">DW</a>-ge silteme jasap habarlaıdy.&nbsp;&nbsp;</p>

«Tyıym salynǵan zattardy paıdalaný SpaceX-tiń úkimetpen mıllıardtaǵan dollarlyq kelisimsharttaryna qaýip tóndirýi múmkin», - dep atap ótti WSJ.

AQSh ulttyq aeronavtıka jáne ǵarysh keńistigin zertteý basqarmasy (NASA) bul fırmanyń qyzmetin birneshe ret paıdalanǵan.

Mask WSJ suraýyna jaýap bermedi. Onyń advokaty Aleks Spıronyń málimdeýinshe, bıznesmen «SpaceX-te esirtki synaqtarynan únemi jáne kezdeısoq túrde ótip turady. Birde-bir ret ótpeı qalmaǵan».

Investorlardyń trıllıon dollarlyq aktıvteri úlken táýekeldi

Mask óz kompanııalary «qunynyń ajyramas bóligi». Sondyqtan onyń áreketteri ınvestorlardyń 1 trln dollarlyq aktıvterine, ondaǵan myń jumys oryndaryna jáne AQSh ǵarysh baǵdarlamasynyń mańyzdy bóligine qaýip tóndirýi múmkin, dep atap kórsetedi gazet.

Ǵalamshardaǵy eń baı adam jekemenshik oıyn-saýyq keshterinde LSD, kokaın, ekstazı jáne gallıýtsınogendi sańyraýqulaqtardy paıdalanady. Al bul keshke qatysýshylar aqparatty jarııalamaý týraly kelisimge qol qoıyp nemese sharaǵa kirer aldynda telefondaryn tapsyrady, dep túsindirdi gazet derekkózderi.