Máskeýlikter qazaqtyń saýmalyna qyzyǵyp júr

  ASTANA. QazAqparat - Búgin Astanada ótken baspasóz máslıhatynda Eýrazııalyq ekonomıkalyq aımaǵy kásipkerler odaǵynyń Qazaqstandaǵy ókili Marııa Anarbaeva Máskeýde ornalasqan qazaqstandyq pavılonnyń saýdasy jaıynda aıtyp berdi, dep habarlaıdy QazAqparat tilshisi.

«Ázirshe, Máskeýdegi Qazaqstan pavılonynda, kóbinese iri taýar óndirýshilerdiń ónimderi satylady. Álbette, oǵan shaǵyn jáne orta bıznestiń de atsalysqany durys. Búginde ol jerde un men un ónimderine degen suranys joǵary bolyp tur. «Saýmal» atty ónimdi satý kórsetkishi de tań qaldyrdy. Biz degýstatsııany ótkizgende oǵan suranys óte joǵary boldy. Budan bólek, halal taǵamdaryna da suranys jaqsy. Qazir shujyq ónimderine tapsyrys kóptep túsip jatyr», - dedi Anarbaeva búgin «Samǵaý» baıqaýynyń jeńimpazdaryn marapattaý rásimi aıasynda.

Onyń aıtýynsha, Máskeýde satylatyn qazaqstandyq taýarlardyń sapasy jaqsy. Alaıda syrtqy orama jáne dızaın jaǵyn áli jetildirý kerek.

Aıta keteıik , búgin Astanada «Samǵaý» ulttyq baıqaýynyń aımaqtyq atalymdary boıynsha jeńimpaz atanǵan jýrnalıster marapattaldy.  Aldaǵy naýryz aıynda Máskeý qalasynda baıqaýdyń bas júldesi - jeńil kólikti tapsyrý rásimi ótedi. Oǵan taǵy 8 jýrnalıst talasyp otyr.