Máskeýge quny 20 myń teńge bolatyn ushaq bıletteri satylýda
«Alǵashqy otandyq loýkoster óziniń birinshi halyqaralyq reısi – Nur-Sultan-Máskeý-Nur-Sultan baǵyty boıynsha bıletter satylymyn ashyq dep jarııalaıdy. Jaıly saparlar Airbus A320 ushaqtarymen eki astanadan/ǵa 2019 jyldyń 13 jeltoqsanynan júzege asyryla bastaıdy. Qazaqstannyń bas qalasynan oryndalatyn saparlar quny 19 999 teńgeden bastalady jáne de bul baǵa búgingi kúngi naryqtyq baǵadan 60% tómen. Reseıdiń astanasynan saıahattaımyn deýshiler, bıletterdi áýejaı alymdarymen qosa eseptegende 3333 rýblden bastap satyp ala alady», - delingen habarlamada..
Uzaqtyǵy 3 saǵattyq kúndelikti reıster N.Nazarbaev aılaǵynan Jýkovskıı halyqaralyq áýejaıyna oryndalady.
180 oryndy laınerler elordadan saǵat 22:10 ushyp shyǵyp, Máskeýge sol kúni saǵat 22.40 qonatyn bolady. Keri qaraı ushaq 23:25 sharyqtap, qazaqstandyq áýeaılaqqa 05:35 keledi.