Máskeýdegi sherýge qatysýshylar elge oraldy

ASTANA. Mamyrdyń 13-i. QazAqparat - QR Qorǵanys mınıstrliginiń qurmetti qaraýyl rotasynyń 70 sarbazy men 5 ofıtseri Qyzyl alańdaǵy Jeńis sherýine qatysyp, Qyzyl alańda sap túzep ótken bolatyn. Qazaqstandyq armııanyń áskerleri elge oraldy, dep habarlady QR Qorǵanys mınıstrliginiń baspasóz qyzmeti.

Buǵan deıin habarlanǵandaı, Máskeý Kremliniń áskerı komendatýra ókilderi qazaqstandyq sherýshilerdiń sheberligin joǵary baǵalap, úzdikterdiń sanatyna qosty

Jeńis sherýine qatysýshylar RF Qorǵanys mınıstriniń atynan «Sherýge qatysqany úshin» medalimen marapattalyp, mereıtoılyq tósbelgiler men estelik syılyqtar tartý etildi. Jeńis sherýine qatysýshylardy marapattaý Máskeýdegi KSRO Qarýly Kúshteriniń murajaıynda Jeńis Týynyń qasynda ótti.

Qazaqstandyq áskerıler sherýge daıyndyq júrgizýden basqa arnaıy uıymdastyrylǵan mádenı baǵdarlama aıasynda Kremldi, 300-den astam eksponattary bar bronetanki jáne áskerı tehnıkalar murajaıyn aralap, Volokalam tas jolynda, Taǵzym taýynda bolyp, Uly Otan soǵysynda qaza bolǵandardy eske alyp, gúl shoqtaryn qoıdy.