Máskeýdegi saılaý ýchaskesiniń baqylaýshylary eshqandaı zań buzýshylyqty anyqtaǵan joq

MÁSKEÝ. QazAqparat - Qazaqstannyń Reseı Federatsııasyndaǵy Elshiligi janyndaǵy №265 saılaý ýchaskesinde QR Parlamenti Májilisiniń saılaýyna daýys berý jónindegi halyqaralyq baıqaýshylar tobynyń músheleri zań buzýshylyqtardy tirkegen joq, dep habarlaıdy QazAqparat tilshisi.

TMD Parlamentaralyq Assambleıasy mıssııasynyń halyqaralyq baqylaýshysy Andreı Bryksenkovtyń málimetinshe, saılaý tynysh jáne demokratııalyq jaǵdaıda ótip jatyr.

«Prezıdenttik saılaýdan azdaǵan aıyrmashylyǵy bar – saılaýshylar az qatysady, bul Qazaqstan Respýblıkasynyń damý baǵytynyń turaqtylyǵyn sezinýinen bolsa kerek. Sondyqtan adamdar bári durys jasalǵan dep esepteıdi. Osyǵan baılanysty ózgertýler úshin erekshe kúsh qajet emes», - dedi baqylaýshy.

«Saılaý – memlekettiń óz halqyna degen kózqarasynyń aınasy. Búgin erik-jigerdi bildirý óte jaqsy jáne laıyqty uıymdastyrylǵan. Men Qazaqstan azamattarynyń saıası beıimdilikterin kórsetýge múmkindik alǵanyna qýanyshtymyn», - dep túıindedi sózin A.Bryksenkov.

TMD Parlamentaralyq Assambleıasy mıssııasynyń halyqaralyq baqylaýshysy Marına Lapenkonyń paıymynsha, saılaý halyqaralyq standarttar men normalarǵa sáıkes ótip jatyr, eshqandaı zań buzýshylyq anyqtalǵan joq. Saılaýshylardyń óz erkin bildirýine barlyq jaǵdaı jasalǵan.