Máskeýdegi qazaq maıdangeri merekelik medalmen marapattaldy

ASTANA. QazAqparat - Máskeýde ulty qazaq jalǵyz Uly Otan soǵysy ardageri turady. 90-nyń tabaldyryǵynan endi attaǵan Shámil Serǵazıevti Jeńistiń 70 jyldyq merekesi qarsańynda Qazaqstannyń Reseıdegi elshisi Marat Tájın merekelik medalmen marapattady.

Sondaı-aq Máskeýde turyp jatqan ózge de qazaqstandyq tyl jáne eńbek ardagerlerine medalder tabystaldy, dep habarlaıdy 24.kz.

Qyzylorda oblysynyń týmasy Shámil Serǵazıev 1943-45 jyldary ekinshi Belarýs maıdanynda soǵysyp, eki ret aýyr jaraqattanǵan. Keıin Varshavany azat etýge qatysyp, qandy maıdandy sonda aıaqtaıdy. Saltanatty shara kezinde ardagerlerge erekshe qurmet kórsetildi.

« Nursultan Ábishuly bastaǵan elimizge, jastarǵa, barsha qazaqstandyqtarǵa baqyt, beıbit ómir tileımin. Qazaqstan mindetti túrde damyǵan 10 eldiń qatarynan oryn alatynyna kámil senemin. Elimiz kórkeıip, gúldene bersin», degen júrkjardy tilegin bildiredi UOS ardageri Shámil Serǵazıev.