Máskeýdegi terakt: Reseılik tergeýshiler kúdiktilerdiń otbasynan jaýap alý úshin Tájikstanǵa bardy

<p>DÝShANBE. KAZINFORM &ndash; 26 naýryzda reseılik tergeýshiler Crocus City Hall ǵımaratyna jasalǵan shabýylǵa kúdikti tórt adamnyń otbasy múshelerinen jaýap alý úshin Tájikstanǵa bardy. Bul týraly Reuters agenttigi Tájikstannyń qaýipsizdik qyzmetindegi úsh derekkózge silteme jasap <a href="https://www.reuters.com/world/europe/russian-investigators-query-families-shooting-suspects-tajikistan-sources-say-2024-03-26/" target="_blank" rel="noopener">habarlady.</a></p>

Ashyq túsinikteme berýge ruqsaty joq derekkózderdiń aıtýynsha, Tájikstan qaýipsizdik kúshteri otbasylardy Vahdat pen Hısar qalalarynan jáne Rýdakı aýdanynan el astanasy Dýshanbege ákelgen.

Aqparat kózderiniń habarlaýynsha, Tájikstandaǵy «Krokýstaǵy» teraktige qatysty tergeý jumystarynyń barysy memleket basshysy Emomalı Rahmonnyń «jeke baqylaýynda».

Aqparat úshin, Tájikstan prezıdenti keshe, 25 naýryzda «Krokýstaǵy» shabýyldy «qorqynyshty oqıǵa» dep atap, ata-analardy balalarynyń tárbıesine kóbirek kóńil bólýge shaqyrdy.