Reseıdiń Krasnogorsk qalasyndaǵy kontsert zalynda atys boldy

<p>ASTANA. KAZINFORM &ndash; &nbsp;Máskeý túbindegi&nbsp;Krasnogorsk qalasyndaǵy &laquo;Krokýs Sıtı holl&raquo; ǵımaratynda belgisiz bireýler atys uıymdastyrdy. Qazir adamdar qaýipsiz jerge kóshirilip jatyr. Bul týraly <a href="https://tass.ru/proisshestviya/20320485" target="_blank" rel="noopener">TASS</a> agenttigi jazdy.</p>

Reseı Tergeý komıtetiniń Bas tergeý basqarmasy Máskeý oblysyndaǵy teraktige qatysty qylmystyq is qozǵady.

Federaldy qaýipsizdik qyzmeti lańkestik áreket saldarynan 40 adam qaza taýyp, 100-den astam adam jaralanǵanyn habarlady.

«Belgisiz bireýler «Krokýs Sıtı holl» ǵımaratyna oq jaýdyrdy. Qazir adamdar evakýatsııalanyp jatyr», - delingen habarlamada.

Aldyn ala boljam boıynsha, oq avtomattan atylýy múmkin. Belgili bolǵandaı, bul kezde «Pıknık» tobynyń kontserti bolyp jatqan.

TASS agenttigine oqıǵa kýágerleri atystan zardap shekkender men jaralanǵandar bar ekenin habarlady.

Oqıǵa ornyna máskeýlik Arnaıy jedel áreket etý otrıady men arnaıy jasaq jáne órt sóndirýshiler shuǵyl jetti.

Atys kezinde mýzykanttar zardap shekken joq, dep habarlady TASS agenttigine quqyq qorǵaý organdary

Máskeý oblysynyń gýbernatory Andreı Vorobev jedel shtab qurylǵanyn habarlady.

QR Syrtqy ister mınıstrligi habarlaǵandaı, Reseıdegi teraktide qaza tapqandar men zardap shekkender arasynda qazaqstandyqtar bar ekeni týraly aqparat joq.