Máskeýde UQShU, TMD jáne ShYU joǵary ákimshilik laýazymdy tulǵalary qaýipsizdik máselelerin talqylady

ASTANA. QazAqparat - Búgin Máskeýde ótken Ujymdyq qaýipsizdik týraly shart uıymy, Táýelsiz Memleketter Dostastyǵy, Shanhaı yntymaqtastyǵy uıymynyń joǵary ákimshilik-laýazymdy tulǵalarynyń kezdesýi qaýipsizdik jáne jańa syn-qaterler men qaýipterge qarsy is-áreket máselelerine arnaldy.

TASS habarlaǵandaı, TMD atqarýshy komıteti baspasóz qyzmetiniń basshysy Vladımır Nıkanorov habarlaǵandaı, «qaýipsizdikti jáne turaqtylyqty nyǵaıtýǵa, jańa syn-qaterler men qaýipterge qarsy is-áreket, kóshi-qon saıasaty, uıymdar qyzmetin aqparattyq qamtamasyz etý jáne olardyń ózara is-áreketindegi qalyptasqan praktıkaǵa qatysty máseleler talqylandy».

Kezdesýge qatysýshylar 2014-2015 jj. arnalǵan birlesken sharalar josparyn iske asyrý qorytyndylaryn shyǵaryp, óz uıymdary qyzmetteriniń basym baǵyttary týraly aqparat almasyp, halyqaralyq saıasat tóńiregindegi ózekti máseleler boıynsha pikir bólisti.

Sharaǵa UQShU bas hatshysy Nıkolaı Bordıýja, Atqarýshy komıtet - TMD atqarýshy hatshysy Sergeı Lebedev, ShYU bas hatshysy Dmıtrıı Mezentsev qatysty.