Máskeýde TMD elderiniń ekonomıka salasyndaǵy ózara yqpaldastyq máseleleri talqylandy
Otyrystyń kún tártibi TMD elderiniń ekonomıka salasyndaǵy ózara yqpaldastyqtyń jıyrma máselesinen turdy. Atap ótkende, ekonomıkalyq keńes músheleri TMD Ekonomıkalyq damý strategııasynyń 2020 jylǵa deıingi (2016-2020 jyldar) úshinshi kezeńin iske asyrý boıynsha sharalar jospary, TMD memleketteriniń aımaqaralyq yntymaqtastyǵy týraly Konventsııa, Dostastyq memleketterinde halyqaralyq elektr baılanysy qyzmetterin kórsetý kezinde operatoraralyq ózara eseptesýlerdi iske asyrý jaǵdaılary týraly Kesimi jobalary maquldanǵan. Otyrystyń qatysýshylary 2011 jyldyń 18 qazanyndaǵy Erkin saýda aımaǵy týraly Kelisim erejelerin, «Ýran shyǵarý óndiristeriniń áserine ushyraǵan memleketter aýmaqtarynyń topyraq qunarlylyǵyn retke keltirý» memleketaralyq maqsatty baǵdarlamasyn iske asyrý, sondaı-aq qazaqstandyq materıal júrgizý tokamagyndaǵy ǵylymı zertteýler baǵdarlamasy jobasyn daıyndaý jumysynyń barysy týraly aqparatty tyńdady.
Ekonomıkalyq keńes múshelerine TMD Elektrenergetıkalyq Keńesi, TMD-ǵa qatysýshy memleketterdiń salyq qyzmetteri basshylarynyń Úılestirý keńesi, qurylys qyzmetindegi yntymaqtastyq boıynsha Úkimetaralyq keńes, sondaı-aq Dostastyq memleketteriniń baǵaly qaǵazdar naryǵyn retke keltirý boıynsha memlekettik organ basshylary keńesiniń 2011-2014 jyldardaǵy qyzmeti týraly esepteri usynyldy. Sondaı-aq TMD-ǵa qatysýshy memleketterdegi aýyl sharýashylyǵyna jaramdy jerlerdiń tozýyna qarsy kúres. Sondaı-aq TMD memleketterindegi qarjylyq saýattylyq deńgeıin arttyrý jáne qarjylyq bilimdi damytý máseleleri talqylandy.
Otyrysqa qatysýshylar sondaı-aq birqatar bıýdjettik-qarjylyq jáne uıymdastyrýshylyq máselelerdi ortaǵa saldy.