Máskeýde «Táýelsizdik dáýiri» kitabynyń tusaýkeseri ótedi
Іs-sharany Qazaqstan Respýblıkasynyń Reseı Federatsııasyndaǵy elshiliginiń qoldaýymen Qazaqstan Respýblıkasynyń Tuńǵysh Prezıdenti - Elbasy qory ótkizedi, dep habarlaıdy Reseıdegi Qazaqstan elshiliginiń saıty.
Qazaqstan men Reseı arasyndaǵy strategııalyq áriptestikti negizge ala otyryp, Qazaqstan Respýblıkasynyń Prezıdenti Nursultan Nazarbaevtyń kitaby tanystyrylymynyń halyqaralyq týrnesi fotokórmemen súıemeldenip, Máskeýden bastalyp Azııa jáne Eýropalyq odaq elderi astanalarynda, atap aıtsaq Beıjiń, Madrıd, Parıj, London jáne Berlın qalalarynda jalǵasyn tappaq.
Sondaı-aq, kezdesý aıasynda Máskeýdegi kitap tusaýkeserine qatysýshylarmen Astanadaǵy sarapshylar qaýymdastyǵy jáne BAQ ókilderi arasynda telekópir ótedi.
Memleket basshysy Nursultan Nazarbaevtyń «Táýelsizdik dáýiri» atty jańa kitaby 2017 jyldyń jeltoqsanynda jaryq kórgen. Tarıhı pýblıtsıstıka janrynda jazylǵan Elbasynyń bul eńbegi elimizdiń jańa tarıhy men onyń erteńine degen avtordyń kózqarasyn tanytady. Jańa týyndyda egemen memlekettiń negizi qalanǵan kúnnen bastap onyń qalyptasý kezeńderiniń erekshelikteri men 26 jyldyq táýelsizdik dáýirindegi ishki jáne syrtqy syn-qaterlerdi eńserýge baılanysty qabyldanǵan sheshimderdiń mán-mazmuny men tetikteri egjeı-tegjeıli baıandalady.
Іs-sharanyń qonaqtary retinde reseıdiń qoǵam jáne memleket qaıratkerleri, memlekettik Dýma depýtattary, ǵylymı-sarapshylar men dıplomatıalyq korpýs ókilderi shaqyrylmaq.
Sonymen qatar, kitaptyń tusaýkeseri aıasynda qonaqtar "Astana - Uly dalanyń marjany" taqyrybyndaǵy sýret kórmesin tamashalaı alady.
Kórmede elordanyń ǵajaıyp túrli ǵımarattarynyń 60-tan astam sýreti kópshilikke usynylady. Sýretter ishinde erekshe álemdik deńgeıdegi mádenı nysandar retinde Qazaqstan Respýblıkasy Prezıdentiniń rezıdentsııasy - Aqorda kórsetilgen. Ol álemniń eń ádemi prezıdenttik saraılardyń 10-na kirgen. Sonymen qatar, ǵalamshardaǵy epostyq ǵımarattardyń 90-na engen, elordanyń basty brendi - "Báıterek" jáne Astanadaǵy EKSPO - ortalyqtaǵynyń biregeı ǵımarattardyń biri - sfera pishindes dıametri 80 metrdi quraıtyn «Nur-Álem» pavılonynyń sýretterin tamashalaýǵa bolady. Sondaı-aq belgili brıtandyq sáýletshi Norman Foster jobalaǵan elordanyń erekshe ǵımarattary -Beıbitshilik jáne kelisim saraıy - Pıramıda, Nazarbaev ortalyǵy, shatyr formasyndaǵy álemdegi eń úlken ǵımarat retinde Gınnestiń rekordtar kitabyna engen "Han Shatyr" saýda-saýyqtyrý kesheni de bar.